Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
cam benedictionem. Dum ad uniuersas orbis ecclesias
iuxta pastoralis officii debitum apostolice uertimus
considerationis intuitum, earum propensior non immerito
soli-citudo nos angit, que propriis destitute pastoribus
uaca-tionis incommodis exponuntur, ut per nostre prouidentie
ministerium preficiantur illis viri secundum cor nostrum
ydonei in pastores, sub quorum regimine eedem ecclesie
tam in spiritualibus quam in temporalibus iugiter
prosperentur. Duduni siquidem, dum adhuc felicis recordationis
Benedictus papa xii predecessor noster ageret in humanis,
ecclesia Vpsalensi per obitum bone memorie Petri
archi-episcopi Vpsalensis, qui in partibus illis diem clausit
extremum, pastoris solatio destituta, dilecti filii capitulum
eiusdem ecclesie, uocatis omnibus, qui debuerunt,
uolu-erunt et potuerunt commode interesse pro futuri electione
pastoris inibi celebranda, die ad hoc prefixa, ut moris est,
conuenientes in vnum, venerabilem fratrem nostrum
Hem-mingum archiepiscopum Vpsalensem, tunc prepositum
ecclesie Arosiensis, in sacerdocio constitutum, in
Vpsalensem archiepiscopum per formam scrutinii concorditer
elegerunt, et electionem huiusmodi uobis et populo mox
solenniter publicarunt. Subsequenter uero idem
predecessor, electionis huiusmodi ignarus, uacatione ipsius ecclesie
Vpsalensis fidedignis relatibus intellecta, cupiens eidem
Vpsalensi ecclesie sue operationis ministerio ydoneam
pre-sidere personam, prouisionem ipsius ecclesie ea vice
ordinationi et dispositioni sue ac sedis apostolice duxit
specialiter reseruandam, decernendo extunc irritum et inane, si
secus super hiis per quoscumque quauis auctoritate
scienter uel ignoranter contingeret attemptari. Postmodum
uero dictus archiepiscopus ad capituli predictorum
instantiam, huiusmodi, ut asserit, reseruationis et decreti
ignarus, electioni de se facte predicte, illius sibi presentato
decreto, consensit. Ac, dicto prodecessore, sicut Domino
placuit, uiam uniuerse carnis ingresso, nobisque fauente
diuina gratia ad apicem summi apostolatus assumptis,
pre-fatus archiepiscopus, per se ipsum ad sedem apostolicam
<< prev. page << föreg. sida << >> nästa sida >> next page >>
