Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Magnus, Dei gracia rex Suechie, Noruegie et Scanie,
dilectis sibi vniuersis archiepiscopatum Ypsalensem
inhabitantibus, in Domino dilectionem et salutem. Cum
decoris sit regii de subditorum suorum profectibus sollicite
cogitare, vt et in pacis securitate gaudeant et suis libere
perfruantur, nos spiritu compassionis circa vos mouemur,
tribulaciones et onera diuersa, que passi fueratis, eciam
non sine cordis amaritudine ad memoriam reuocantes, et
petentes propter Deum et peticionem nostram obnixam
misericorditer nobis hec remitti. Nouit enim omnipotens
Deus, quod neque auiditate neque aliqua ducti vanitate,
sed propter difficultates maximas, quas continue
habueramus a tempore, quo primum placuit Deo et vobis eligere
nos in regem, inuiti et ex euidenti necessitate feceramus.
Vtinarn datum esset vobis sapere et sane intelligere
ve-xaciones nostras graues, quibus ineuitabiliter afflicti
fueramus! Hec autem et alia Deo, qui solus sapienter et
prouide ordinat omnia, et matri sue gloriose de cetero
relinquentes, ipsorum misericordiam suppliciter
postulamus, vt pro eorum honore congruo et vestris profectibus
regere poterimus et regnare. Promittimus igitur Deo et
vobis bona fide, nos ad dies nostros super aliquibus
in-posicionibus seu grauaminibus vitra jura nostra legalia non
debere aliqualiter vos grauare, nisi contingat aliquos
pacis emulos, extraneos vel indigenas, Rutenos vel paganos,
(quod Deus auertat) manu valida inuadere regna nostra,
seu liberorum nostrorum nupcias celebrari, vel eciam
contigerit pro placitis justiciariis nos transire (et
nichilomi-nus protunc vobiscum venialiter faciemus, prout
aliqualiter sine grauamine vestro poterimus expediri), seu eciam
contingat, quod propter aliquas euidentes causas vos
tangentes specialiter transeamus, quod volueritis nobis in
necessariis libenter preuidere. Et protunc venerabilis
pater et nobis dilectus, dominus archiepiscopus Vpsalensis,
cum duodecim sui archiepiscopatus pocioribus, sex de
militaribus et sex de communitate, de huiusmodi
expensarum nostrarum et necessariorum quantitate ponderet et
<< prev. page << föreg. sida << >> nästa sida >> next page >>
