Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
434
habui liac hyeme prælectiones in mineralogicis & metallurgicis,
earum privatissimas audivit Vir in metallurgicis bene versatus
Dnus Hofgaard. Iter ingressurus iste meus amicus, ut apud
Vos eruditionem et experientiam suam inprimis in
metallurgicis adaugere queat, mearn simul cum bisce literis salutem
& reverentiam Tibi, Vir æstumatissime! dicendam promisit,
& quam intense pro Tua senectute, utinam per seriem
anno-rum feliciter provehenda, Vota facio.
Yernutn tempus anni proxime præterlapsi å negotiis
Kongsbergensibus mihi vacabat, ideoque ibi herbatim
perlu-stravi montes eorumque cacumina inter alpes prominentia.
Inde copiosam plantarum messem retuli, ex qua Tibi
trans-mitto plantæ exsiccatæ specimen Ar en ar i am tetragyniam,
cujus Styli IV. erecto reflexi, stigmata obtusa: Stamina X.
linearia, destituta longiorum glandula: Capsula ovata apice
ofariam deliiscens. Cetera indicabit plantæ specimen: Habitat
in sylvis umbrosis ad radices arborum putridas & alibi, floret
ineunte Junio. Pezizam eodem tempore collegi superne
con-cavam coccineam, inferne albani sessilem substantia carnosa
lactea: Habitat super ramis al ni putridis terra sepultis unde
vix prominet superficie concava colore crocineo distincta in
umbrosis mediæ montis.
Felem m: & f: pilis laxis aliisque notis a domestica
variam inveni apud rusticos alpium Norvegiæ, edit vegetabilia
& carnes. Sine dubio eadem est cum ea quam in Scanico
itinere Tu quondam vidisti.
Plura hac vice non addam si modo Tuis iterum me
eru-dire velis & credas me esse ad urnam usque Tui nominis
sincerum cultorem. Dabantur Hafniæ d. 10. Aprilis 1776.
Propediem videbis obss: in itinere per Hungariam &
Transylv: collectas. Hac æstate museum Moltkianum in
or-dinem redigere & nova describere aggredior.
a Monsieur Monsieur Charles de Linné Chevalier de
l’ordre Nordstierne Archiater & Professeur de l’Université
Membre des Soeietés illustres a Upsal
<< prev. page << föreg. sida << >> nästa sida >> next page >>
