Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
sorenskrivar C. F. Havig ordet og anka paa at
lovfyrelegget ikkje hadde teke umsyn til tilraadingi fraa
namnekommissjonen, so namni paa valkrinsane hadde kunna faa
norsk form; valkrinslovi hadde t. d. ikkje teke upp øy,
men heldt paa ø. Havig vona at det ikkje maatte vara
altfor lenge fyrr administrasjonen tok fat paa tilraadingi,
so ein kunde faa revidera «de mange forvanskede og
fordanskede stedsnavne, som vi har».[1] I 1909 søkte biskop
Bang um at dei namni paa prostedøme og kyrkjor som
kommissjonen hadde fyreslege, for hans bispedøme maatte
verta godkjende og tekne i bruk fraa den 1. januar 1910.
Han grunngav søknaden med at nasjonale og spraaklege
og serskilt praktiske grunnar tala for denne revisjonen.
Karakteristisk nok lagde han til at dei kunde ikkje rekna
framlegget hans for «en ensidig
maalstræverforanstaltning»; for baade «maalmenn» og «riksmaalsmenn» hadde
vore med i namnekommissjonen.[2] Daa
Kyrkjedepartementet hadde denne søknaden framme i august 1910, hev
riksraaden, A. B[erge], skrive paa: «Sagen [søknaden fraa
Bang eller heile namnerevisjonen?] bør søges fremmet
snarest muligt. Det var kun ved nogen overtalelse at en
interpellation paa sidste Storting blev undgaaet.»
Daa Odelstinget hadde fyre seg regjeringsprotokollane
i 1911, kom det ein fyrespurnad. Spurnaden kom ifraa
Nils Skaar; han var det som hadde vilja interpellera paa
det fyrre Stortinget ogso. Skaar minnte um at Stortinget
hadde bede um namnerevisjonen i 1899—1900; han spurde
um hindringane var soleis at ikkje saki kunde fremjast paa
eikor vis. Oddmund Vik studde Skaar, og bad um at dei
maatte skunda paa. Kyrkjeriksraaden, J. K. Qvigstad,
svara velviljugt, men vikande. Det skulde ikkje vera noko
<< prev. page << föreg. sida << >> nästa sida >> next page >>
