Full resolution (JPEG) - On this page / på denna sida - Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
hev fylgt den lina aa taka kvart einskilt namn for seg,
etter som kravet um umvøling hev vorte sterkt nok. Paa
den maaten hev namni Oslo og Steinkjer og
Halden vorte fastsette. Men det vilde ha fyremuner um ein
kunde faa ein aalmenn, samanhangande revisjon med ein
gong. Truleg vilde det praktisk fylgja minst ulempor med
det.
Me skal gaa igjenom dei bynamni eitt for eitt, som det
kann vera tale um eller er turvande aa faa brigda.
Hvitsten. Same namnet hev ein til gardsnamn
nokso mange stader i bygder nær Oslofjorden: i Trøgstad,
Spydeberg, Haabøl, Vestby, Enebakk, Øvre Eiker, Botne,
Andebu; dessutan hev dei havt namnet i Vaaler i
Austfold. Den gamalnorske namnformi er Hvítisteinn
d. e. den kvite steinen. I dansketidi, fraa 1500-talet av, vart
det umgjort til Huidsten, Hvidsten, Hwidsten (eller -steen)
o. dil. Uttala i dag for gardsnamni er visstein
(gardsnamnet i Andebu uttalar dei òg gvitstein). I matrikkelen skriv
dei no desse gardsnamni Hvitstein. Bynamnet retta dei i
fyrre hundradaaret fraa Hvidsten til Hvitsten. Det er ei
bastardform. Det rette for bynamnet òg er Hvitstein.
Langsmed strendene av Oslofjorden segjer fiskarar og
sjøfolk og bønder vanleg visstein, vittstein um byen — ofte
med einstavings tonelag, — i minsto ifraa Nøterøy paa
vestsida og Drøbakk paa austsida og radt inn til strendene og
øyane i Bærum og Aker. Visstein og vittstein er vanlegt i
byane og hjaa dei av meinigmann som hev med sjøen aa
gjera, og visst i daglegtala hjaa dei breidare lagi i det heile;
soleis i Horten, Holmestrand, Svelvik, Holmsbu, Drøbakk.
Den norske uttala er soleis svært livande framleides for
bynamnet òg. I grannelaget til byen sjølv og sudetter mot Moss
kann ein høyra visstæn, vittstæn (visstæⁱn), som òg er ulikt
bokformi, og ikkje hev upphavet sitt fraa henne.
Lillehammer. I gamalnorsk heitte staden
Hamarrinn litli eller Litli Hamarr.[1] Der var alt
<< prev. page << föreg. sida << >> nästa sida >> next page >>
