102 Christianus Mikkelsen: cum animaduertisset se errore 7d pro in scripsisse, additum esse (cfr. Schoell. ed. mai. praef. p. XVI). Hinc sequitur, ut iure Camerarius suspicatus sit, mulier ex multis vitiatum esse. Scribendum est igitur: Postrémo in magno pópulo multis hóminibus. Quod dicit Schoellius multis hominibus languidissimum additamentum esse ad in magno populo, eodem iure dicere poterat in proximo uersu uictis ňostibus languidissime ad re placida et otiosa additum esse. Affluit talibus abundantiis sermo Plautinus. Diniarchus haec (uu. 95 sq.): Nam ego Lémno aduenio Athénas nudius tértius, Legátus quo hine cum público imperió fui. Geppertus aduenio in adueni recte mutauit. Ussingius praesens tempus defendit, coll. Terent. Hecyr. 458: Aduenio modo, Adelph. 289: Modo dolores occipiunt, Heaut. 53: haec inter nos nuper notitia admodumst. Sed omnibus his locis aduerbium incertum tempus significat; ubi certum tempus indicatur, perfectum scriptum est, ut Mil. 441: Quae heri Athenis Ephesum adueni uesperi; Afran. apud Charisium p. 185 P.: Nudius tertius tute aduenisti. Astaphium ancilla Phronesii meretricis ex aedibus exiens ceteras ancillas intro manentes, ut adulescentes aduenientes caueant, sic hortatur (uu. 106 sqq.): Oenús eorum aliqui ióculum amicae usque óggerit, dum ílli agant. Sin uídent quempiam se adséruare, obludeant, qui custodem óblectent. Per ióculum et ludum dé nostro saepe aedunt quod fartorés faciunt. Obludeant in editione principe in ob/udunt mutatum est. Sed obludere Plautinum utique non est, quare Ussingius obiectant edidit. Leo obludianít coniecit, coll. Poen. 1232: At tu hercle adludiato et Stich. 383: Quando adbibero,