Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Nonnulla de Platonis philosophant via et ratione.
Oratiuncula in circulo juvenum antiquitatis studiosorum Christianiensium
habita a
Marco Jacobc Monrad.
Rogatus, ut de Platone aliquid latine dicerem, quum
ex immensa rerum, quae hic se offerunt, silva unus neque
nimis amplus locus seligendus esset, decrevi de philosophandi
methodo Platonis pauca disserere. Quae si admodum manca
atque imperfecta erunt, neque scilicet quidquam novi vel
magni momenti continebunt, ob brevitatem temporis mihi
ad hocce opusculum concessi benignam veniam sperare audeo.
Primum hoc tenendum arbitror, Platonem philosophum
quidem inter omnes, quos humanum genus tulit, eminentem
et magistrum quoque philosophiae solertissimum, neque
tamen ex nostrorum temporum ratione professorem sive
doctorem (ut nos loquimur) philosophiae fuisse. Quippe
philosophia ipsa tum non, quemadmodum nunc, peculiaris
quaedam disciplina exstabat, a ceteris disciplinis sejuncta
atque a communi hominum vita scilicet abstracta ac sécréta.
Immo philosophiam apud Platonem adhuc modo inchoatam
atque incipientem videmus, e vita et naturali animorum
cogitandi sciendique necessitate enascentem et excrescentem.
Itaque ne nomen quidem philosophiae ad fixam et ut
nos loquimur technicam significationem concreverat et
indu-ruerat, manente adhuc viva vocabuli originis et compositionis
conscientia, ut quicunque philosophiam nominabat, semper
de sapientiae a more cogitaret. Philosophari re ver a
nihil aliud erat, nisi sapientiae amore sciendique cupidine
mentem agitare deque omnibus, quas scire hominum interest.
rebus cogitando quaerere et meditari, id quod non tam in
scholarum um bris doctorum lucubrationibus, quam in
coeti-bus hominum, in conviviis, in gymnasiis, ubi homines
frequentes congregabantur, colloquendo, vicissim interrogando
et respondendo exercebatur.
<< prev. page << föreg. sida << >> nästa sida >> next page >>
