Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
sane casu fieri, ut Athenis idem dies qui Chaeroneae nobis
occurrat; sed tarnen rem annotatu dignam putaui. Qua
uero de causa illi ipsi dies ’instituti fuerint, frustra quaesiui.
Propter rationem manumissionum publicandarum, qua
Thessali utebantur. quam frequentes in singulis oppidis
fuerint manumissiones interdum diiudicari potest. Uelut
Hali in oppido uix inter maiora numerando uno anno
quin-decim serui manumissi in tabulas referuntur (Heuzey et Daumet
*214): Pheris uno semestri octo (Üss. n. 4); Larisae in urbe
ampliore uno anno, ut uidetur, 38 (Mitth. VII, p. 226);
ibidem (Duchesne et Bayet 162) uno mense 6, altero 1, tertio
non minus tredecim (neque enim integer index seruatus esse
uidetur). Possum equidem totius rei rationem conficere; sed
cum propter uniuersam horum titulorum condicionem num
tali enumeratione quicquam effici possit dubitem (nam
plerique pessime habiti sunt), eo labore supersedeo.
Iam si quaecunque ad seruorum manumissionem
illu-strandam ex his titulis colliguntur paucis comprehendemus,
sic fere statuendum erit. Iam satis antiquo tempore de
forma manumissionis in oppidis Thessalicis leges erant; hae
seruorum manumissorum nomina in tabulas publicas referri
et eo nomine quinos denos stateres uel aicenos binos
de-narios et dimidios in aerarium persolui iubebant, quae
pe-cunia re uera uectigalis locum obtinebat; libertinorum
con-dicio antiquiore tempore peregrinorum erat, postea secundum
leges imperii Romani aut ciues aut Latini fiebant.
II.
De ceteris titulis simplicem manumissionis formam
ex-hibentibus iam disputabo.
Titulorum Thessalicorum et eorum quos in
enumeratione secundo loco posui id commune est, quod seruus
simpliciter manumitti, non deo alicui consecrari aut uenire dicitur.
Ceteris rebus qnamquam multum inter se differunt, tamen
distributio quaedam institui potest, quam in enumeratione
quoque significaui. Aut enim dei templiue cum manumissione
<< prev. page << föreg. sida << >> nästa sida >> next page >>
