Full resolution (JPEG) - On this page / på denna sida - Liber Duodecimus. De structuris aquilonaribus - Cap. XI. De congelatione aquarum impedienda
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| NE autem longissimæ noctis gelu glacies contra palos intrudendos | Noctes longissimæ. |
| constringatur, aqua perfunditur viscosa pinguedine | |
| marinarum belluarum, qua supernatante omnis congelatio | |
| aquarum prohibetur, quemadmodum superius in libro | |
| de glacialibus bellis cap. XXIII. satis est ostesum. Super | |
| hos etiam palos taliter aquis fundoque immersos, ædificantur | |
| domus ligneæ magnarum trabium, tabulisque abietinis, | Domus super aquas ædificantur, & quare? |
| vel pineis superpositis, populeis, sive betuleis corticibus, | |
| & subtilibus truncis rotundis conteguntur, maxime | |
| ad effectum mures, vermesque arcendi, ne grana, vel alia esui necessaria corrodantur, | |
| vel igne domestico indiligenter custodito consumantur. Attamen domus illæ | Domus in mediis aquis comburuntur. |
| quandoque, etsi super aquas firmatæ sint, tamen fulgure, vel hostilibus insidiis | |
| aliquando incenduntur quemadmodum in mediis aquis Venetiis multoties fieri vidi, | |
| scilicet domestico foco male sopito optimas, ac ornatissimas ædes concremari. | |
| Quod si ignis non fecerit depopulationem, tunc vis ventorum adeo sævire solet in | Naves submerguntur. |
| plerisque portubus marinis, præcipue regiæ Holmensis in Suetia, vt maxima navigia | |
| multigenis referta divitiis, ad vela parata in vno momento submergantur. Nec | |
| plus ex eo naufragio, ob inscrutabilem profunditatem, conspici permittitur, quam | |
| summitas mali maioris, seu antennæ, vel candidi veli. Crediturque propterea diversis | Divitiæ infinitæ aquis inclusæ. |
| temporibus eo in gurgite maiorem auri, argenti, æris, ferri, cusæque monetæ | |
| thesaurum fore, quam habeant pronunc ditissimæ arces, & civitates: cuius | |
| evidens testimonium, & exemplum si quis admirari velit, videat | |
| historias charissimi fratris & antecessoris mei | |
| Io. Archiepiscopi Vpsalensis. | |
<< prev. page << föreg. sida << >> nästa sida >> next page >>
