Full resolution (JPEG) - On this page / på denna sida - Liber XV. De diuersis hominum exercitiis - Cap. XXI. De confusione ignauorum militum
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
 |
| NEC dissimile luscorum spectaculis abesse solet, quod garrulis | Equestres garruli. |
| equestribus, importuna dicacitate a lingua mutuantibus | |
| spicula, & vires, tanquam improbis, rixosis, & contentiosis, | |
| publica confusione corripiendis, aliquid opponi | |
| solet, ea præcipue vilipensionis nota, quod aliqua mulier | Mulier animosa. |
| cordata armis, galeaque, ac hasta munita, vni alicui e prædictis | |
| garrulis hastam frangendo concurrat. Neque invite eiusmodi | |
| gloriolam quærit hic sexus, cum ab ineunte ætate | |
| solitus sit equos domare feroces. Stato igitur loco & tempore, | |
| congressione facta, garrulus mulieris hasta ab equo dejicitur, qui epotandis | Sexus muliebris gloriabundus. |
| calicibus inventus est non agnovisse fortiorem. Quo fit, vt alii satellites, seu equestres, | |
| nunquam proni sint ad inutiles proferendos garritus, more scurrarum, ac protomimorum. | |
| Nihil enim adeo necessarium est fortissimo militi, quam abditum servare | Milites veri a garrulitate abstinent. |
| silentium, & modestissimum pro tempore miscere sermonem, juxta carmen vsitatum: | |
| Scire loqui decus est, decus est & scire tacere. | |
| Hæc duo si poteris, sæpe peritus eris. | |
| Summæ nanque levitatis, & ignavi animi est, militarem virum, garrulum, nugacem, | |
| de exigua gloriola suscipere inanem jactationem, & se extollere, quasi fortunam | Iactatio inanis. |
| sub imperio suo haberet, certusque sit, eam nunquam in posterum adversari sibi posse: | |
| qua e re omnibus irrisioni, & ludibriis erit. Nimis etiam, & inepte seipsum | |
| amat, qui gesta propria laudant, vmbram pro corpore | |
| venaturus, vbi gloriosior expectanda sit laus, | Gloria aliunde expectanda. |
| & commendatio aliena. | |
<< prev. page << föreg. sida << >> nästa sida >> next page >>
