Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Utque carent numero volucres, ut in æqvore pisces,
Sic caret & numero multus in orbe liber.
Plurima pars fumos, steriles sine pondere voces
Venditat, et jactat verba canora, nugas.
Te, caveas, fallat frons insidiosa libelli:
Sæpius in dulci meile venena latent.
Sit, juvenis, tuus unus amor, tua sola voluptas,
Perpetuo verbis invigilare sacris.
Hoc ineas adytum, hæc vatum sacraria lustres,
Heic tibi delitiæ, pabula, nectar erunt.
His juvat in studiis exsomnes ducere noctes:
His sacris curis insenuisse juvat.
Ut sol præradiat rutilis fulgoribus astra:
Sic liber exsuperat cætera scripta sacer.
Fatidicus Clarius, tripodes, & Delphica laurus,
Has sacras tabulas sanctaque verba stupent.
Debilitant juvenum vigilatæ corpora noctes,
Et faciunt similes noctibus esse suis.
Invitant maciem, lentumque in viscera morbum,
Concolor & morti livor in ora subit.
v. 14.
Dic age praecipuum quid toto discitur orbe?
Ouæ studii norma & regula, finis erit?
Quicquid sacra docent Divini oracula verbi;
Ouod docet omnipotens omnisciusque Deus;
Auribus hoc rapias avidis, hoc mente recondas:
Jugiter hoc volvas, suspiciasque, colas.
<< prev. page << föreg. sida << >> nästa sida >> next page >>
