Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Et circum circa non Palladis instar amicta,
Nuda fuit dextro ceu spoliata genu?
Musa venit propius, spectat, vultusqve tuetur,
Et sua magnanimis qvod sit amica stupet:
Svecia erat; fuerat qvæ olim tot origo Deorum,
Atqve triumphantis Martis amoenus amor;
0 mea magna Soror! dixit, qvid moesta revoluis?
Dic mihi, si placeat, qveis sit Apollo locis?
Una novem Musas inter numeror; meus ignis
Est Phoebus, mihi dic, qvæ colit Ille loca?
Suecia nil retulit, tacito sed murmure secum
Dixit, in his vellem, o! esset Apollo locis?
Ora tamen solvit post multa silentia, dicens,
Qvam vellem ut nostris esset Apollo locis?
Et tacuit sensitqve: sed indignata Camena
Hinc retulit tanqvam fulmine tacta pedem:
Adqve Arcem & celebrem tantis Heroibus Aulam
Tendit, ibi certo qvod sit Apollo putans.
Limina cum pedibus tangit, nova limina, mirum!
Atqve novum Sceptrum vidit, eburqve novum:
Ancipites vultus, tacitos mistosqve susurrus
Audiit, & gravibus murmura mista sonis.
Omnia fulgebant Auro; sed nullus Apollo
Hiicce nova Nymphæ visus in arce fuit.
Unus & alter erat, qui obliqvo lumine spectans
Parnassin, statim pulchra qvod esset, amat.
<< prev. page << föreg. sida << >> nästa sida >> next page >>
