Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
lllico suspicio volat en per inane columba,
Inqve auris alas concutit alta suas;
Sic properat, traheret niveo qvasi corpore currum,
Qvo pulchre vehitur delitiosa Venus.
Alitis in toto fulgebat corpore candor,
Candidus ipse sinus, candida penna fuit:
Dat color indicium qvod sit sine conjuge Turtur,
Qvæ sine conjugii vivere sorte neqvit.
Cum magis adproperat, video qvid in ore gerebat,
Ramulus in nidum credo ferendus erat;
Foetus erat qvidam qvem carpsit ab arbore Palmæ,
In qvo mature qvid viridantis erat.
Non procul hinc Arbor patulæ surgebat Olivæ,
Cujus adhuc foliis frons inamicta fuit,
Sed dedit indicium qvod ver, qvod tempus adesset
Qvo fieri viridis rursus Oliva solet.
Huc sinuat cursum veniens cum fronde Columba,
Inqve Oleæ tandem stirpe resedit iners.
En magis, hac dicta stetit alter in arbore Turtur,
Hujus Amatricis credo Maritus erat:
Qvi varios motus & ovantia murmura fecit,
Ludere cum socia mox redeunte parans.
Vix fruor hoc visu, dum venit ab urbe Camena,
Qvæ modo de Leidis evocitata fuit.
Admotamqve sibi sic clam dicebat in aurem
Cur facis hic, vates! incomitatus iter.
<< prev. page << föreg. sida << >> nästa sida >> next page >>
