Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Suplicat Illa tamen pulchra ore rubente Perilla,
Unus amor, dixit, Tu mihi Pallas! eris.
Oscula non ausit labris vel forte neqvivit
Nympha dare, Illa brevis celsaqve Pallas erat:
Figit ubi potuit, gremio qvia Palladis hæsit,
Huic dat, in hoc condit svavia multa sinu.
His Dea mota fuit, parvæ mox cassida fronti
Applicat & teneris ægida qvanta toris:
Inde ferox refluit Nereus stimulatus ab irå,
Inqve Suis semet condit amarus aqvis.
Nostra Tibi vilis qvamvis sit regia, dicit,
Et licet armisonans sit Tibi Pallas amor,
Te tamen ambobus claudam, mihi crede, lacertis,
Hoc in corde tenes plus qvia parte mei:
Dixerat, & propere nunc huc, nunc volvitur illuc,
Jam ruit in gyrum, jam qvasi lentus abit:
Labitur in cuneum, subtensum format & arcum,
Inqve latus pergit, circuit atqve cavat.
Si referat verum vates, Tua terra, Perilla!
Effigiem magni pectoris inde tulit.
Ipse DEUS multo circum Te flumine currit,
Teqve suum veluti sangvine pectus alit:
Influit & refluit, terræqve in viscera dulcem
In venas instar mittit Amator aqvam.
Dat qvoqve, si credas, jamdum mulcimina Nymphæ,
Atqve preces repetit num velit esse sua.
<< prev. page << föreg. sida << >> nästa sida >> next page >>
