Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
sine; og endaa messa og preika han so folk skolv og
gret, naar han stod for altaret og paa stolen. Daa hadde
Vaagaa-presten sett i aa læ. Men daa presten var ferdig
med aa læ, so spurde Bruun um han vilde ha meir. Kva
skulde daa det vera? spør presten. Jau — segjer Bruun
— um han kjende apostelen Paulus som var teltmakar,
og gjorde baade sauma og vov? og ein til, ein endaa
større manne som var snikkar og timbermann? Daa
hadde Vaagaa-presten tagt sorn ein mur. Og alle heldt
med Bruun, og tykte det for vel at presten deira fekk
juling.
Dette og meir til vart fortalt, og sette kveik i oss
ungdomar i mi heimbygd. Ein slik kar skulde det vera
moro aa gaa i skule hjaa. Han plaaga deim ikkje større
med leksor heller, hadde vi høyrt — han stod der og
prata og fortalde. Og stundom kunde det vera so
morosamt — midt i sjølve skulesalen — at alle log, han med.
Men det kunde nok vera aalvor ög. Ein saukar hadde
vore inne og høyrt paa ein gong; men daa tala han slikt,
at gutane sat i ein glor og berre gapte og lydde, og han
saag taarunn’ datt taa sume. Daa hadde han tala um
kva Gud meinte med menneskja — at han hadde skapt
oss i sitt bilete til aa likna honom, og ikkje til aa tulla
oss burt i drikk og kortspel og fanteskap, og all den
narreskapen som folk dreiv paa med no.
Det ög hadde eg høyrt, at fyrste aaret han heldt
skule, hadde han havt att berre ein dalar naar alt var
betalt, som han kunde rekna seg i løn for arbeidet sitt.
Daa hadde mor hans sagt at han berre skulde driva paa
— ho vilde skaffa han pengar. Ho var med, mor hans,
og var like so idig for skulen som han. Kokte mat aat
gutom, sat med ved bordet, gamall og graa, og spøkte
med deim og aat kvardagskost. Og no skulde han faa
med seg ein hjelpesmann til, ein Janson fraa Bergen,
som var baade diktar og prestelærd. Han hadde vore
<< prev. page << föreg. sida << >> nästa sida >> next page >>
