104 SVEINUNGI Einmitt það — og þú situr ein með ókunnugum manni um hánótt. — Hvað varstu að þjóta út í hraunið ? LJÓT Eg gat ekki sofið. SVEINUNGI Það var engu líkara en að þú værir að reyna að feta í fótspor grasafræðingsins — hann flækist úti í hrauninu — einn um miðjar nætur. Hvað ertu eiginlega að hafast að ? JÓRUNN Það kemur okkur ekki við, Sveinungi. SVEINUNGI Eg vil ekki að hann veiði í mínu landi í leyfisleysi. SÖLVI Eg hefi ekki veitt í þínu landi.