Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
reconditioresque ac Lippos, nasum brevem planumque, unde vultum
contusum Jovius in eis annotavit. Os plerorumque patens est, &
prolixum. Johannes Tornæus ita describit: Vader ægonen ech af
ansichte æra dhe breda, med toma Kinder, och langa hakar. Dhe
hafvva stoora hufvvuden, roeda och bloeta œgen. Hoc est:
Faciem habent planam, genas macilentas, menta longa. Capita eorum
magna, rufi & lippientes oculi. Crinibus vestiti sunt brevibus &
rectis, prorsusque raris, barba quoque rara & brevi, & quæ non bene
mentum teget. Color utriusquce niger est, contra consuerudinem
septentrionalium reliquorum. Crines utriusque sexus atri, &
duriusculi, ait Tornæus, uno loco. Et alio: Dhe hafvva
gemenligen svvart och stræfft haor, och hafvver jag aldrig ænnu sedt mehra
æn en Lapp, med gaoldt haor. Hoc est: Capillos plerumque habent
nigros & spissos, nec præter unicum, unquam vidi Lapponem cum
capillis flavis. De barba testatur Johannes Buræus in Libro
variorum Collectaneorum Ms. quam inscripsit Sumla p. 231. Lapper
hafvva tunt och litet skieg Hoc est: Lappones barbas habent pilis
raris brevibusque. Pectus habent latum fere, ventrem modicum,
crura pedesque graciles, & ad cursum aptos mireque veloces, quod
& ipsum in eis Jovius, ut peculiare quid, notavit. In membris robur
est & vis, quam ob causam Damianus Goës eos appellavit nervosos.
Indigena istius provinciæ, inquit, nervosi & mediocris staturæ sunt.
Idem docet Petrus Claudi. de ere megit sterke, re end andre menniskior,
saa som mand hand profvve paa deris buer, hvvilka en Norsk
mand hand icke drage halfparten saa lenge op, som dse. Hoc est,
Longe validiores sunt, quam vulgo homines alii, quod intelligitur ex
arcubus ipsorum, quos Norvagus aliquis vix ad dimidium ejus potest
intendere, quod ipsi faciunt. Sunt autem Lappones non modo
membris firmis atque validis, sed & promptis & agilibus. Quod
testatur etiam Zieglerus. Sunt, inquit, Lappones corpore usque
adeo agili, ut accincti pharetra & arcu transmittant saltu sese per
cirulum diametri cubitalis. Quanquam quod de circulo hic addit, per
quem transmittant sese, id fortasse viderit in agyrtis aliquibus. Gens
ipsa ludicra ejusmodi ignorat. Interim contendere cum aliis
<< prev. page << föreg. sida << >> nästa sida >> next page >>
