Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
complexi. Acer iisdem telorum est usus, non alia gens promptiore jaculandi
peritia fruitur, grandibus & latis sagittis dimicant, incantationum
studiis incumbunt, venationibus callent, incerta illis habitatio est,
vagaq; domus, ubicunq; feram occupaverint locantibus sedes, pandis
trabibus vecti conferta nivibus juga percurrunt. Habes plane eadem
ingenia, eosdem mores in Finnonibus antiquis, hodiernisque Lapponibus,
ut eandem esse gentem, si origo attendatur, dubium vix
queat haberi. Huc accedit, quod à Danis Norvagisque Fenni
nuncupentur hodieq;, qui sunt Lappones. Inde habes apud Petrum
Claudi in Des. Norvagiæ titulum capitis vigesimi octavi, quod agit
de Lapponibus Regno Daniæ subjectis, om Finnerne, h.e. de
Finnonibus. Ex eadem causa Finnones hos dividit in duo genera, & alterum
quidem nominat Siofinnar h.e. Finnones maritimos, alterū vero
Lappefinner, id est, Finnnones Lappos, sive Lappofinnos. Idem præcedenti
capite de his ipsis Lappofin̄is. Pad dhet stora fiald vanha de Lappefinner
ors kallas dherfœre Lappmark, Hoc est; In jugo montium (qui Sueciam
Norvagiamq́; intercedunt) existunt Lappofinnones, hinc illa pars
Lappemarkia vocatur. Nam Lappofinni nō sunt alii, quam qui alias
simpliciter Lappi, sic vocati sine dubio, quod ex Finnis nati sint & oriundi.
Licet simile quid intelligere ex appellatione Lapponū apud Russos.
Nam præterquam quod vocentur Loppi, sive dicti-Loppi, id est Lappi,
aut feri-Lappi, etiam Kajienni nominantur, regioquè, quam
inhabitant, Kajenschaja semla. Cujus appellationis ratio quæ possit
cogitari alia, quam quod habeant eos pro Kajanis? Est autem
Kajania pars una Finnoniæ, quæ vocatur magna. Wexionius in
Des. Sueciæ Lib. I. cap. 22. Tenet magnus ducatus (Finlandiæ:)
Principatus seu Ducatus minores, Fenningiæ specialiter sic dictæ,
Tavvastia, Carelia utriusq́; comitatus Cajania, &c. Unde
sequitur, etiam Russis Lappones haberi pro Finnonibus. Sed hic
dicat aliqus, qui ex Finnonibus possint esse Lappi, cum hi sint
imbelles, illi bellica virtute celeberrimi; hi macilenti & exsangues,
illi crassi plurimum & obesi? Verum ista non videntur posse infirmare
sententiam priorem. Nam ut de posteriore primo loco agam,
quis ignorat corporum habitus pro victus ratione immutari?
<< prev. page << föreg. sida << >> nästa sida >> next page >>
