Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
suas reddant nominatæ Schola contributiones. Quod clementer
approbamus, dantes loco hypotheca usumfructum ex his nostris & coronæ villis
in Parœcia Vma & WestBothnia constitutis Roebæk 12. prædia 5/8 Stækioe
duo 3/16 Klabbiler tria 9/16 Baggaboelet duo 27/32 Kuddis duo 5/16 Bræneland duo 11/16
hæc prædia quotannis solvent Scholæ Lapponicæ suas exactiones
ordinarias & extraordinarias hactenus impositas, idque facient coloni horum
prædiorum sine intermissione, quamdiu retinemus summam 5000. thalerorum
compagniæ numeratam, donec illam restituerimus integram scholæ
Lapponicæ. Quapropter mandamus nostris officiariis, omnibusque
quorum interest, ne præscriptam hypothecam auferant eidem Scholæ ante
redditam pecuniam, neve ullam injuriam aut præjudicium contra hoc
Edictum nominatæ Schola inferant, aut inferri sinant. In confirmationem
hujus instrumenti subscripserunt suam manum nostri respective
Tutores & Regni Administratores, Regioq; sigillo confirmarunt Edictum.
Datum Holmiæ 5. Novemb. 1634. Ista verba sunt diplomatis Regii,
sic ut in sermonem Latinum versa leguntur apud sæpe nominatum
Baazium. Qui vero subscripserunt Regni administratores,
eorum hæc sunt nomina: Gabriel Oxenstierna, Gustavi F. R. Drotsetus,
Iacobus De la Gardie, R. Archimarschallus, Carolus Caroli Gyldenhielm
R. Admiralius, Petrus Baner loco R. Cancellarii, Gabriel Oxenstierna
R. Thesaurarius. Atque hæc jam Schola est, ex qua deinde prodierunt,
prodeuntque etiam num ingenia, per quæ gens Lapponica magis
magisque discit intelligere ac sectari religionem Christianam.
Nam & bona copia dein à Juventute Lappica est frequentata, &
adhibita diligentia, ut in litteris pietateque desiderata obtinerentur
incrementa. Quod docet testimonium examinis in ea instituti co
ipso anno, quo est aucta Regiis beneficiis prædictis. Verba ejus
quoque placet apponere, quia meretur sciri, ususque Scholæ illius
intelligi, pro ut ea refert Baazius Hist. Eccles. Lib. VIII. c. 5. Nos
subnotati significamus, fuisse nos vocatos à nostro & Ecclesiæ Vmensis
Pastore, Reverend. & Doctiss. M. Olao, ut examini juventutis Lapponicæ,
frequentantis Scholam Lyksensem in marchia Vmensi institutam,
interessemus. Testamur autem, nos huic petitioni satis fecisse, &
<< prev. page << föreg. sida << >> nästa sida >> next page >>
