Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
sentiuntur esse necessaria. Ad postremum ipsorummet Lapponum
adultiorum hinc colligitur facilitas & promptitudo aliqua, sine
qua non mitterent profecto suos liberos ad scholam. Unde simul
satis intelligitur, esse aliam religionis Christianæ faciem in Lapponia,
quam qualis fuit sæculis superioribus. Major quippe cura Regum,
qua nunc ipsis abunde de templis, de Scholis, libris etiam, & per
quos erudiantur, magistris & pastoribus est provisum. Major
quoque circa ipsorummet sacerdotum ac pastorum, quos non
habent nunc, ut olim, Suecos solum, unamq; linguam Sueticam
callentes, sed & peritos linguæ Lapponicæ, & sæpe suimetipsius gentis
homines. Qua de re sunt testes hodierna die plurimi. Et Samuel
Rheen, in Descriptione sua cap. 23. ita inquit: I Vmao Lappmark ær
een Lapp præst ther Lapperne i deras Christendom vvaæll informerade
vvarda. Hoc est: In Lapponia Vmensi unus Presbyter sive Pastor est
Lapponicus, ubi Lappones bene informantur in religione Christiana.
Pergit idem de Lapponia Pithensi, & ait: I Pithea æro tree Pastores
ther och Lapperna vvæll underviste vvarda i Lhudz ord. Hoc est:
In Lapponia Pithensitres sunt Pastores, ubi æque Lappones in verbo
Divino bene erudiuntur. In Lapponia Luhlensi major difficultas est,
ob sparsos Lapponas per spatia ingentia. Facit tamen ibi quoque
Pastor unicus, quantum potest. I Luhlea, inquit, ær allenast een
Lappræst, ther han allena med mœdo och stort besvvær kan Gudstiensten
foerrætta, foer ortens vviida begriipelse skull. Hoc est: In
Lapponia Luhlensi unicus solum est sacerdos Lapponicus, qui solus ægre
magnique difficultate potest expedire, quæ ad cultum divinum pertinent,
propter partis ejus spacia ingentia. In Lapponia Tornensi & Kimensi
pariter Pastores habent Lapponicos, quo cum quotannis Pastor
Sueticus Kimensis Tornensisque iter facit ad Lapponas longius
dissitos, eosque in verbo divino informat. I Taornea Lappmarck diit
reser Pastor Tornensis een gaong om aohret, att doepa barn, och
informera them i theras Christendem. Sammaledes reser och Pastor i
Kimi up i des Lappmarck en gaong om aohret sampt med Lappræsten.
Hoc est: In Lapponiam Tornensem Pastor Tornensis semel de anno iter
facit, ut baptizet infantes, Lapponasque erudiat in religione Christiana.
<< prev. page << föreg. sida << >> nästa sida >> next page >>
