Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Quanquam alio loco recte dicat ab his differre in eo, quod nec sit
rotundum, nec tam profunde cavum, sed paulo planius , nec
denique pellem seu membranam habeat affixam cochleis ferreis, sed
claviculis ligneis. Licet nos viderimus & sine claviculis adfirmatam
sutura per fila ex nervis rangiferinis. Olaus Magnus haud ita
commode incudem dixit lib. III. cap. 27. nec enim aliud, quam
tympanum intelligendum illis verbis: ranam æneam, aut serpentem
malleo super incudem prascriptis ictibus concutit: ut liquebit amplius
ex sequentibus. Quod pictor non intelligens in præmissa illi
capiti pictura nescio quem incudem fabrorum, cum superposita
serpente, assultanteque rara & malleo fabrili adjecto delineavit,
contra omnem negotii illius naturam atque rationem. Non utuntur
Lappones incude fabrili, verum tympano, quod quia malleo pulsatur,
ut mox dicam, ideo incudem Olaus nominavit. Porro
pellem eam seu membranam tympano intensam pingunt variisfiguris,
colore rubro, quem faciunt ex contuso & de cocto alni cortice.
Joh. Tornæus: Skinnet ær alt oefvver med skapnader af alla handa
ting oefvvær maolat, vvarandes færgen, som der tillbrukat ær,
roedlicht, och af ahlebark tagen. Hoc est: Membrana picta est per
universum imaginibus variarum rerum, colore ad id adhibito rubescente,
facto ex cortice alni. Samuel Rheen: trumban oefuer drage the med
skin, hvvaruppao the maohla med ahlbark, aothskillige figurer; hoc est,
Tympano superinducunt pellem, in qua pingunt colore ex alni cortice
figuras varias. Quales illæ sint figuræ, idem explicat prolixe, euus
proinde verba Latine tantum proferam. In medio fere tympani, ait
lineam ducunt trans versam unam & alteram, in ea formant Deos suos
quos præcæteris religiose colunt, ut Thoronem cæterorum principem cum
famulis suis, item Stoorjunkarum, cum suis. Atque hi in suprema
quidem linea collocantur. Post ducetur inferior alia, superiori
parallela, sed tantum ad tympani dimidium. In ea Christi est imago, cum
quibusdam ejus Apostolis. Quicquid supra hasce lineas depingitur, avis
signisicare debet, item stellas, atque lunam. Infra eas in ipso medio
tympani formatur Sol, ut planetarum medius, cui imponunt fasciculum
annulorum æreorum, quotiens pulsare tympanum debent. Infra Solem
<< prev. page << föreg. sida << >> nästa sida >> next page >>
