Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
admotum ignem. Olaus Petri: Membranam, ut fiat distenta supremam
igni applicant: Deinde, ut pulsent non uno loco, sed per ambitū
indicis. Tertio ut pulsent primo levissime, mox gravius & gravius,
donec propositum confecerint. Tornæus, sicut verba ejus sonant
Latine. Tympanum paulisper attollit, mox pulsat id circa
indicem in ambitum, primum leviter, donec index se incipiat movere,
ac exultare, cumque sese longius ab eo spacio, ubi primum jacuerat,
versuis unum alterumve latus submovet, tum tympanista gravius graviusq;
incipit pulsare, donec index veniat ad signum quoddam, ex quo quid
divinare proposuerunt. Solet & hoc observari, ne pulsetur à stante
sed procumbente in genua, quod & cæteri faciunt, qui negocio
intersunt. Idem: den som uti vværket foerfaren ær, jæmpte dhe andre
faller dao pao Knæ, tagandes trumman. h.e. Is qui artis est peritus, juxta
cum cæteris, procumbit in genua, capitque tympanum. Quod res attinet,
quarum causa tympanum pulsatur, earum postrema quidem jam
in præcedentibus à nobis est exposita. Itaq; de cæteris solummodo
agendum quorū prima, exploratio eorum, quæ gerantur in locis
longe dissitis. Qua de re Olaus Magnus lib. 3. c. 16. Scire cupientes
statum amicorum, aut inimicorum, longinquo terrarum spatio, quingentorum
vel mille miliarium inde distantium, Lapponem seu Finnonem
hujus rei peritum dato munere, lineæ scilicet vestis, aut argenti,
rogant experientiam fieri, ubinam fuerint, & quid agant amici vel
inimici. Addit deinde modum negotii totius, de quo statim dicam.
Similiter Petrus Claudi in Descriptione Norvagiæ de Finnlappis
Norvagiæ. De kunde oc fly naoget at vide, huad der skeer pao andra
stæder laongt borte. Hoc est: Scire desiderantibus; quid aliis fiat in
locis longe dissitis, id possunt indicare. Modum & ipse apponit, ac
post subjicit hoc exemplum, quod evenerit Bergis, in nobili Norvagiæ
emporio, ibique annotatum reperiatur publice in libro, in
quo consignantur acta mercatorum Germanorum. Fuisse quendam
Iohannem Delling, ait, ministrum mercatoris Germani,
Bærgis tunc constitutum, ad quem venerit cum quodam Jacobo
Smaosuend aliquis ex Finlappis Norvagicis; rogasse igitur Johannem
illum hunc Finlapponem, ut, si posset, indicaret sibi, quid
<< prev. page << föreg. sida << >> nästa sida >> next page >>
