Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
habent quamdiu ita jacet in deliquio, eique revocare in memoriam id,
quod desideraverit, priusquam deliquium pateretur, alias vitam
nunquam recipit. Idem ferunt accidere, si quis ita jacentem manu pedeve
voluerit velut excitare. Quo intuitu fortassis fit, quod ab Olao
memoratum est, ut ab eo muscas quoq; ac id genus alia diligenter
abigant, neq; patiantur illum ullo modo contingi. Meminit & Peucerus:
ut adsint semper aliqui, oportet, qui projectum & ex anime corpus
custodiant, quod cum non sit, dæmones id abripiunt. Ubi tamen falsum est,
quod ait, corpus dæmonas abripere. Hoc solum fit, ut prolapsus
nunquam evigilet. Olaus Petri: Custodes, qui projectum &
exanime corpus custodiant, ne à minima tangatur re, adesse oportet,
secus ad vitam corpus non esse putatur rediturum. Atque ita
tandem rebus omnibus non multo tempore confectis tympanista
spititum vitamque recipere videtur, & quæsitis satisfacere. Tao
beginner trumbslagaren foertælia, huad han med sin trumbslagh foerfarit
hafvver, eller huru pao fierran orter tillstaor. Hoc est: Tum
tympanista incipit commemorare, quæ didicerit tympani sui pulsatione,
vel quæ rerum & negotiorum sit facies in locis longe dissitis. Peucerus
ait, fieri post horas viginti quatuor; sed nullum certum est tempus,
modo enim citius, modo tardius evigilant, prout iter longius aut
brevius ipsis fuerat conficiendum. Viginti quatuor illæ horæ
tantum tempus sunt longissimum quo habent opus ad noscenda ea
etiam, quæ absunt spatiis longissimis. Olaus Petri. Adquasvis
res quæsitas (licet aliquot centenis miliaribus abfuerint) norunt
respondere, idque intra quatuor & viginti horarum spatium possum præstare.
Denique ne dubium sit cuiquam, vera esse, quæ narret tympanista,
indicia quoque adfert ejus rei aliqua, quæcunque quis petierit,
ut Olaus testabatur. Ita & Olaus Petri. In uberiorem rei
confirmationem, cultrum, calceum, annulum, vel aliam conducenti notam rem,
in bene legationis expeditæ testimonium reportat. Et hic quidem
primus tympani est usus, ac pæne præcipuus. Sequitur secundus,
quando negotiorum explorare cupiunt eventus, utrum prosperam
habituri sint venationem, utrum destinata feliciter successura.
Nam & hoc se indagare posse credunt tympani beneficio.
<< prev. page << föreg. sida << >> nästa sida >> next page >>
