Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ederetur in lucem. Modus plane talis, qualis explicatus est in
superioribus. Ita enim eum describit post præcedentia. De som Kiæbe
hoer as hanem, dem antuorder hand & moere eller band, mat tree
lnuder paa, ocnaar hand uploeser den foerste knude, faar han passeli
hoer, oc loeser hand den andra knude, da fasr hand sua sterck vvind,
sim hand tand mest raade , man loeser hand den tredie knude, da gaar
det ite aff udenstibbroede, oc mande miste. Hoc est: Eis, qui ab
ipso (Finlappone) emunt ventum, vel funiculum tradit, vel fasciam
cum nodis tribus, quorum nodorum si solverit primum, mediocrem
accipiant ventum, si secundum, tam vehementem, ut tamen possint
prævalere, quod si vero solverint tertium, tum res venit ad
naafrugium, & hominum exitium. Sicut vero istoc artificium ad Finnos &
Finlappos Norvagiæ potissimum pertinet, sic & illud, quod conjunctum
huic, videlicet, quo navigiorum impeditur cursus, redduntur
immobilia & fixa in medio mari. Tribuit tamen & hoc Lapponibus
Damianus à Goës. Naves, inquit, in medio cursu retinent, sic ut
nulla vi ventorum amoveri possint. Videtur & Zieglerus innuisse,
quando ait; Ea arte isti utuntur in navigantes, ex arbitrio, ita ut
his favere vel minus visum fuerit ita sistunt & movent flumina &
maria. Certe maria qui sistunt, reddunt non navigabilia, id vero
alia, quam prædicta ratione fieri fix videtur. Valent autem Finni
arte ista tantum, ut nil possit infirmare, præter excrementa virginis.
Damianus: Quod malum solo virginum excremento foris navium
& transtris illito curatur, à quo Spiritus illi, ut ab incolis accepi,
natura abhorrent. Quæ hic illa excrementa sint, non nemo possit
dubitare. Mihi persuasissimum, sanguinem menstruum innuere.
Is enim valere contra incantationes, magicaque solvere jam
pridem creditus est & ab aliis. Quod discimus ex Plinio, quando
libro XXVIII. c. 7. sic de eo. Id quoque convenit, quo nihil equidem
libentius crediderim, tactis omnino menstruo postibus, irritas fieri
Magorum artes. Venio ad tertium, jacula, ut Zieglerus nominat,
quibus morbos, dolores, aliaque inferunt, etiam longissime à se
remotis. Verba ejus hæc sunt: Faciunt & è plumbo jacula magica,
brevia, ad modum digiti, ea emittunt per quamvis dissita loca in eos,
<< prev. page << föreg. sida << >> nästa sida >> next page >>
