Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
alium (ut solent longa serie iter facere) gladio, quem habebat secum,
trucidavit, neminem sequentium cædem antecedentium intelligente,
quoniam & nox erat, & intervallis longis à se mutuo distabant, donec
postremus venissit prostratorumque observassit corpora, seque summa
vi opposuisset. Ita gravis orta pugna, utroq́; de vita certante, donec
ad postremum Birkarla uxoris suæ auxilio evaderet superior, & hunc
quoque neci daret. Ita superatis Lapponum præcipuis & potentissimis,
cæteri facile imperata fecere. Sunt qui deceptos simul putent
specie induciarum à Birkarlis, à Magno Rege ad subigendos
eos incitatio, ut superius audivimus. Nam post ea, quæ ex
schedis Buræanis prioribus à nobis ante memorata sunt, subjicitur: Ty
ginge Birkarlarna till, som bodde i Birkala sochn, och gaofvvo sigh in
till them, och dagtingade med them, pao sao maonge daghar eller tiidh.
Och thes emillan foerraskade the them, och slogo maonga ihiæl, och
vvunno them under sigh, alt in till norra och vvæstra siœen. Hoc est,
Ex hac causa (quia Rex Magnus promiserat, se in potestatem ejus
daturum ipsos, qui eos subjugasset) Birkarli, qui erant incolæ
parochiæ Birkala tendebant ad Lappones, cumq; ipsis faciebant inducias, ad
certum numerum dierum. Interea nihil metuentibus superveniebant ex
inopinato, cæsisq; non paucis eorum, cæteros subjiciebant sibi, usq; ad mare
septentrionale, atq; occidentale. Liquet simul ex his verbis, antequam
subjicerentur Suecis per Birkarlos, fuisse belli alicujus instar inter
Suecos Lapponasq;; quoniā induciæ hic nominantur, sed & in
antecedentibus de Rege Magno dicebatur, att han icke kunne them
vvinna, under kronan, h. e. quod subjicere ipsos nequiverit corona. Ac
fortassis hoc est, quod attendit Zieglerus, cum de ipsis scripsit: Gens
validissima est, & diu libera fuit, & arma sustinuit Nordvegiæ Sueciæq;
donec concessit tandem sub imperium. Quanquam quod Zieglerus putat
factum virtute Lapponum, id nos arbitramur contemptum eorum
fuisse. Ita sane vidimus fecisse Moschovitas, qui & ipsi sunt
eorum vicini, nec putasse dignos propter rerum omnium inopiam, in
quos subigendos bello justo, sumptus facerent. Nec de Suecis
aliter censendum, quod apparet facile, quia post ab una tantum
parochia Birkarlorum sunt subacti. Neque ideo subjicere
<< prev. page << föreg. sida << >> nästa sida >> next page >>
