Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Verba Samuelis Rheen sunt longiora, itaque Latine versa tantum
apponam. Tempore hyberno in jugis montium non possunt versari,
propter tempestates & magnitudinem nivium, cum præsertim ligna ibi
nulla habeant. Iccirco illo tempore descendunt inde ad sylvas,
montibus vicinas, ubi rangiferos suos inter nives altiores facilius junctos
possunt continere, & sic uno fere in loco, à festo Nativitatis Christi, ad
festum Annunciationis Mariæ subsistunt. At vero postquam nives
incipiunt solvi, migrationem inde faciunt, magis magisque versus
montes, quorum in vicinia degunt, ne rangiferis evagandi licentia detur,
usque ad festum Sancti Erici. Quo tempore fere quia femellæ rangiferorum
partus suos edunt, ideo subsistunt uno in loco ad festum Sancti
Iohannis sive medium æstatis. Post cum in montibus vallibusqe interjectis,
gramen provenit copiosius, cum herbis variis, longius longiusque
procedunt, quidam in ipsa montium editissimorum juga, quo rangiferi
à muscis seu culicibus minus infestentur. In quibus montibus huc
illudque migrant usque ad festum Sancti Bartholomæi. Post incipiunt
paulatim reverti ad sylvas, donec circa festum Nativitatis eo veniant, unde
fuerunt digressi. Atque hæ migrationes Lapponum, caussæque,
cur in uno loco commorari nequeant, tempora quoque, quibus
hic illicque consueverint versari. Solent autem hæ migrationes
aliquando fieri ad spatium non minutum, sed bene longum, &
milliarium multarum. Idem: Somblige Lappar flyttia af och till in till
tiugu miiler, och dær œfvver. Hoc est: Quidam Lappones abeunt
redeuntque ad viginti usque milliaria, & longius Et quia pars in
montibus, pars ad lacus fluminaque inter arbores, præsertim
pinos degere consueverunt, inde sua certaque ipsis sunt imposita
vocabula, & illi quidem dicti Fiæll Lapper, quia versantur in montibus
Norvagiæ vicinis, qui vocantur fiæll, hi vero Graan Lapper, quia
versantur inter pinos arbores, quæ dicuntur graan, apud Suecos &
Norvagos. Samuel Reen. Somblige Lappar kallas fiæl Lapper, af
orsaak, at the mehrendels vvistas och boo i fiællen; och somblige Kallas
graan lapper, der fœre, att the lefvva och vvistas i skogen, och vvid
stora siœgar och ælfvver, sœkiandes der sin fœdo med fiikiande, jaqande
och skiutande. Hoc est: Lappones nonnulli nominantur fiæll
<< prev. page << föreg. sida << >> nästa sida >> next page >>
