Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
domibus ex betulæ arboris corticibus consutis utuntur tentoriis. Idem
docet Olaus Petri, simul addit, solere cortices eos diu coquere,
ut fiant lenti ac tractabiles. Corticibus betulæ ad lentitudinem coctu,
vel diu coquendo redactis tegunt. Olaus Magnus lib. 4.cap. 3. addit
coria. Pro domibus, inquit, habent tentoria, vel ex induratis
animalium coriis, vel arborum corticibus (sic mallem, quam codicibus,
ut est in editis) cooperta. Atque hoc est genus, quod vidit
Lomenius Comes, & descripsit hisce verbis in Itinerario suo.
Tentoria experticis & corticibus conflantur. Quod differt à priori, quia
raro tegitur vestimentis, nec quadratum est, sed sexangulum.
Samuel Rheen describit ita. Graanlappar bruka kottor af bræder, med
sex Wæggiar, somblige bruuka sine kotior af graanriis, eller tallriis,
somblige af graanbark, och somblige af Torf. Hoc est: Lappones
sylvestres tuguria sua faciunt ex tabulis ligneis, cum parietibus sex, quidam
ad ea adhibent ramos abietinos, vel pineos, quidam cortices abietinos,
quidam quoque cespites. Wexionius numerum laterum auget
binario, & octagona facit, præsertim Lapponum Kimensium.
Tentoria, inquit, ex asseribus, octagona sunt, inferius latiora,
quinque circiter ulnas alta. Idem prodit Olaus Petri de
Lapponibus Pitensibus. Vbi divertendi commoditas diuturnior,
octangularia in ulnæe altitudinem tentorii jaciunt fundamenta. Atque hæc
tuguria non destruunt, tolluntve, quando migrant alio, sed relinquunt
loco suo, ut eo reversi, usurpent denuo, injectis tantum ramis
aliquibus, aut corticibus, aut cespitibus, ubi forte nudata interea
fuere. Unde Samuel Rheen. Och desse deras kottor stao vvid sioer
och elfvver, ther the bruka sit fiskerii och iagande. Hoc est: Hæc
ipsorum tuguria stant fixa juxta lacus fluminave, ubi piscationes vel
venationes suas exercent. Præter duo hæc tuguriorum genera recenset
aliud Olaus Magnus istis verbis l. IV. c. II. Pars eorum in arboribus
quadrato ordine crescentibus domos collocant, ne denso nivium casu in
campestribus suffocentur, aut à bestiis fumelicis insuperabili agmine
congredientibus devorentur. Quis sit ille ordo quadratus arborum,
non satis intelligo. Suspicor hoc velle, solere super arbores
quatuor, ita natas, ut in quolibet domicilii quadrati futuri latere
<< prev. page << föreg. sida << >> nästa sida >> next page >>
