Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
calcei de corio rangiferorum, pilis suis ad huc obsito, confecti toti,
ea quoque parte, quæ pedis munit plantam, in qua id observant tamen,
ut consuant ex partibus duabus, quarum una pilos versos habeat
antrorsum, altera retrorsum, ne, si in unam tantum partem, ob
lubricitatem minus firmum poni possit vestigium. Nec hæc pars,
quam cæteræ, pluribus munitur coriis, ut fit in nostris calceis, sed
simplex est forma rudior, cum uno foramine superne, ut pes possit
inferi, à fronte rostrum est repandum, desinens in acumen. Suturas
tamen colunt immisso brevi panno, rubri, vel alterius coloris.
Cæterum hos calceos nudis induunt pedibus, eosque loro circa
imum cruris ter quater ligato revinciunt. Ac ne laxi fluant,
addunt intus fœni quidpiam, peculiariter ad hoc ab ipsis parati.
Samuel Rheen. I sine skoor bruka the inaga strumper, utan allenast
hoe. Ty the finna i Lapmarken ett laongt græs, huilket the kooka,
och thet foervvara, att hafvva i sine skoor. Hoc est: In calceis
non habent tibialia, sed fœnum. Reperiunt namq; in Lapponia genus
graminis longioris, quod coquunt servantque, ut calceis immittant.
Venio ad vestitum alium non ita communem, sed ex caussa certa
usurpari solitum. Is est totus è corio contra morsus culicum
paratus. De quo idem: Am sommaren bruka the och Klæder af skin,
baode mæn och quinnor, af huilka somblige Lappar afsyra, och somblige
afklippa haoren, dem the sedan bruka foer myggor skull, pao thet the
ike skola kunna biita igiennom skinnet. Hoc est: In æstate
utuntur quoque vestimentis e corio, viri juxta feminaque, cujus pilos pars per
purefactionem, pars forfice demunt. Ea deinde usurpant contra culices,
quum per corium morsu nequeant penetrare. At vero tempore
hyberno viri femoralia habent è pellibus rangiferorum hirsut is,
tunicas item, quas appellant mudd. Idem auctor: Om vvinteren
att foervvara sig foer kioelden bruka the ludna muddar.
Manfolken bruka och byxor af Reenbælingar giorde. Hoc est: Hyeme
ut se muniant contra frigora, muddas hirsutas adhibent, viri quoque
usurpant femoralia è pellibus, quas pedibus Rangiferorum detrahunt.
Muddæ istæ non ejusdem omnes generis, quædam præstantiores,
aliæ deteriores. Optimæ, quæ fiunt ex pellibus vitulorum
<< prev. page << föreg. sida << >> nästa sida >> next page >>
