Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
deprimant, vel obliquent in telis excutiendis &c. Pueris ut diligentius
metam tangant, candidum aliquod cingulum, quo mire delectantur,
atque novi arcus apponuntur. Tamque periti evadunt, ut magno
interstitio mediante obolum vel acum, quatenus videre poterunt,
infallibiliter attingant, prout personaliter anno prædicto MDXVIII. in
terris eorum constitutus vidi. Scribit eodem loco Olaus, etiam
puellas erudiri in hoc genere artis, & ideo in pictura fœminas quoque
exhibet, armatas arcubus & sagittis. Sed hoc non est verosimile,
ut ostendi jam, ubi de venatione egi, certe hodie apud ipsos fieri
non solet. Puellæ Lapponum, inquit Samuel Rheen, docentur suere
ocreas, calceos, manicas, togas, & omne instrumentum quo utuntur ad
trahas adjungendis rangiferis. Vel, ut ipsa ejus sonant verba:
Lapparnas doetrar læra sii klæder, lappstoeflar, skoor, handskar, muddar, och
reenaoktygh. Istæ sunt artes puellares & fœmineæ apud Lapponas,
non telo ferire scopum. Sicut autem Lappones suis liberis in tempore
prospiciunt de artibus ad vitam necessariis, ita & de rebus.
Quo imprimis pertinet, quod in more positum apud ipsos, donare
infanti rangiferum fœminam, statim postquam natus baptizatusque
fuerit, si fuerit sexus fœminini. Johannes Tornæus: Nær
ett piigebarn vvarder fœdt, och sao snart det doop och Christendom faodt
hafvver, dao foeræhras henne af foerældrana en reenkalf, som ær hoon,
och schæres hennes mærke uti hornen af summa kalf. Hoc est: Cum
nascitur puella, statim postquam baptizata est, parentes ei donant
vitulum rangiferinum, sexus feminini, cujus cornibus insculpunt
signum puella illius. Nota, quod fidei certitudinisque causa donatis hisce
rangiferis imprimant notam sive signum certum, idque in cornibus,
ita namque fit, ut certamen nullum de iis possit oriri. Eidem
altera donatur vice, quando ipsi primus dens enasci cernitur.
Samuel Rheen de hac consuetudine ipsorum ita loquitur: Ibland annan
sed vvænio Lapparna brucka ær och denna, at nær dheras barn fao foerst
tand, hvvilcken som dao aldra foerst faor honom see i barnsens mun,
antingen dhet ær fader, moder eller naogon af slæchten, den samma skall
gifvva barnet een vveiiareen, dendhe alla Pannikeis, det ær een
tandvvæiia, Hoc est: Inter consuetudines cæteras, quas observant
Lappones, & hæc est, quod cum infantes ipsorum dentes primum accipiunt,
quisquis dentem primum ante alios cernit in ore infantis, sive pater
<< prev. page << föreg. sida << >> nästa sida >> next page >>
