Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
CAP. XXVIII.
De Quadrupedibus Lapponiæ
Domesticis.
Postquam prolixe satis de Lapponiæ incolis,
eorumque ingenio, ac moribus disseruimus, addamus aliqua
& de rebus cæteris, notatu digna. Primum sese offerunt
quadrupedes, quarum quædam ibi non reperiuntur, quæ in
Regionibus vicinis, quædam reperiuntur ibi, quæ alibi non, quædam &
ibi, & alibi reperiuntur. In Lapponia nulli reperiuntur equi,
nulli asini, nulli boves, tauri, oves, capræ. Ac equos quidem plane
negligunt incolæ, quippe quorum eis usus esse potest nullus.
Boves, oves, capras, & id genus nonnunquam sibi comparant ex
vicinis propter lanas, carnes & vellera, sed per æstatem unam tantum
servant, hyeme appropinquante mactant, uti alibi jam dixi.
Propriæ quarupedes Lapponiæ, ac se nusquam alibi terrarum
inveniuntur sunt rangiferi, de quibus ideo agendum est cum cura.
Peucerus nominavit tarandos, quod, cur fecerint, ignotum mihi est.
Verba sunt ipsius in de Divinationum generibus p. m. 202. Hi
(Lappones) nec agros colunt, nec ullum animal alunt, præter tarandum, quo
utuntur projumento, tempore hyemis, quando congelatæ aquæ constiterunt,
& omnia obriguerunt frigoribus. Sane qui tarandum à Plinio
descriptum conferet cum rangifero, pene nihil simile inveniet. Est
enim tarandus bovis magnitudine, capite majori, quam cervi,
villis magnitudine ursorum, quos in omnes vertere potest colores,
ut ostendit lib. VIII. At nil tale in Rangifero, quod ex
sequentibus constabit. Ut ne Gesnerus quidem, aliique recte
fecerint, qui ex duobus diversissimis animalibus formarunt unum.
Nomen rangiferi quis primus usurpaverit, ignoro. Non fuit is
Herberstenius, nec Zieglerus, ac ne Damianus quidem, cum hi
<< prev. page << föreg. sida << >> nästa sida >> next page >>
Project Runeberg, Mon Dec 11 19:51:46 2023
(aronsson)
(diff)
(history)
(download)
<< Previous
Next >>
https://runeberg.org/sjlapponia/0345.html
