Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
tenuiter sectæ angelicæ herbæ particulas, ita paratas, & sub terra
coctas, sicut alio loco diximus. Ultimum quod hic memorari
debet, gramen est. Nascitur & hoc in Lapponia non unius generis.
Optimum, quod reperitur in vallibus inter montes Fellicos, molle,
breve, succulentum. Aliis in locis quod provenit, est longius,
spissius, asperius, & aridius. Est & genus, tertium longum,
molle, foliis tenuissimis & maxime exilibus, quo Lappones
armant muniuntque pedes & manus contra frigoris inclementiam,
immisso calceis ac chirothecis, sicut alias est dictum. Et hæc sunt,
quæ de herbis, fruticibus, arboribus illius regionis ad notitiam
nostram pervenerunt.
CAP. XXXII.
De Metallis Lapponiæ.
Metalla nasci in Lapponia, extremisque partibus
Scandinaviæ ac Septentrionis, suspicati magis veteres
sunt, quam certo sciverunt. Ideo eorum nemo facit
mentionem, negatque aperte Olaus Magnus, ad suam usque ætatem
ibi fuisse reperta. Verba leguntur lib. IV. cap. 10. In extremis
aquilonaribus terris nullæ mineræ ferreæ, cupreæ, aut argenteæ adhuc
repertæ sunt, licet beatissimus Iob dicat, ab Aquilone venire aurum.
Atque hanc ob causam ait Lappones compelli, ut navigia sua consuant
viminibus, absque clavis ferreis, quod ferro omni careant.
At vero hujus sæculi trigesimo & quinto anno, imperante
CHRISTINA Regina, inventa est argenti vena in Lapponia Pithensi
prope Nasafiæll, non procul à jugo montium, qui Sueciam à Norvagea
dividunt, de quare sic Samuel Rheen: Detta soelfver streeck ær
belægit sextio gambla mylar ifraon Pitheo eller skiælleffteao sochn, icke
laongt ifrao skielleffteos ælfvens uthsprong in vvid fiælryggen, som ær
landemære emellan de Suenskie och Narska. Hoc est: Hæc vena argenti
extat sexaginta miliar ibus veteribus à Pithensi, vel Skiællestensi
<< prev. page << föreg. sida << >> nästa sida >> next page >>
Project Runeberg, Mon Dec 11 19:51:46 2023
(aronsson)
(diff)
(history)
(download)
<< Previous
Next >>
https://runeberg.org/sjlapponia/0386.html
