Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Talia dum studiis agimus certantibus omnes,
Proxima jucundæ me tangit imaginis «estas,
Cum juvenum coetus, fecundi ruris honorem,
Rupe sub aeria genialia festa canendo
Ducere et alternis totidem resonare puellas
Audivi ac mecum relegens pia verba notavi.
Eja age, mens pariles mea tu quoque concipe motus
Et refer agrestem subito modulamine musam!
Juvenes.
Care Deo princeps, patriæ munimen amorque,
Palma decusque virum, non falso Carole magno
Dicte patri quondam — neque enim caret omine nomen
Celsior exsurgit victis tibi gloria bellis,
Qvam super imbriferas quos tolli vertice nubes
Prospicimus montes, pinusque in montibus alti.
PüELLÆ.
Dulce tuis lumen captataque civibus ara,
Qvando erit illa dies, qua te præsente fruamur?
Per te parta quies, per te pax aurea vultus
Exserit, uberibus reparans proventibus agros,
Pax armis tanto potior, sata dulcia quantum
Exsuperant pallens aconiton et haedulus anguem.
Juvenes.
Annosæ quercus et vos, quae lata vadosi
Litora Melleri rara praetexitis umbra,
Populeae frondes, jam nunc vernate frequentes
Lætius, in pulchras jam nunc certate coronas!
Cingendum domini caput est; vos quaerite, nymphæ,
Quaerite, quæ tantam deceant viridaria frontem!
Puellæ.
Nec sprevere tamen campestria lilia divi
Mistaque purpureis violaria verna rosetis.
Aut, si Flora viris frustra se comit, honosque
Arboreas manet iste comas, victricia nostri
Tempora vos regis vivaces cingite, lauri,
Lauri, nunc gelidos doctae perferre triones!
<< prev. page << föreg. sida << >> nästa sida >> next page >>
