Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Seu sopor illud erat; sed vix sopor. Attica qualem
Dicitur arx olim niveo retulisse Minervam
Marmore, vel quales umbrabat casside vultus,
Quam coluit ripa Tyrrhenide’subditus orbis,
Taliter occurrens oculos mentemve tenebat
Mira meam species. Acri durata labore
Membra; manus solidæ, roburque imitata virorum
Brachia, firma toris, humeris hærentia latis;
Aspera frons, oculi glauci torvumque videntes,
Sed nunc lætitiam fassi. Nil molle ferebat
Incessuve habituve suo, sed dextra gerebat
Insignem gladium, clypeo munitur aheno
Altera, cui vultus insculpserat arte vetusta
Principis. Agnosco ter Patria, protinus, inquam,
Et video, tecum radiet quo Car olus ore.
Illa piam relevans frontem sua lumina coelo
Fixit et attollens palmas (si rite recordor)
Fortiter hos imo fudit de pectore cantus:
Nasceris, o regum coelo gratissima proles,
Nasceris, et tecum nova lux mihi surgit! In istam
Contulit innumeros favor almi Numinis horam
Plausus, quæque suos in plurima tempora longa
Porrigeret serie radios, Aurora nitebat
Candida. Signetur liquidis purissima gemmis
Nec mortale ferat divino munere nomen.
Suavior adspirat Zephyris halantibus aura;
Tota sinu læto tibi, regum magna propago,
Solvor in apricos, campestria sidera, flores;
Collibus et pratis roseus decor adfluit, hortis
Lilia, candorem puræ referentia vitæ,
Innumerique alii; tibi culta incultaque rident.
Ipsa tuas venio redimitum læta coronis,
O mea lux, cunas, ego serta recentia nectam,
Quæ thalami postes, quæ longa palatia velent.
Nec reliquas mihi lenis opes clementia cæli
Te nascente negat: nunc largis imbribus æther
Influit, inque vicem genitales arva calores
Uvida fecundant; cupidi spes ampla coloni,
Laetificante seges densissima fluctuat aura.
Numquam fertilior nec tempore pluribus ullo
Partubus aucta fui, vix ullus honestior annus
Aut signis decorum tantis conspectior ivit.
<< prev. page << föreg. sida << >> nästa sida >> next page >>
