Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Piæ memoriae
viri
venerando sacerdotii munere, pietate sincera
et eleganti eruditione conspicui,
dn. Mai Arberelii,
apud Romfertunenses Symmystae fidelissimi, qui vitam
integram et laudabilem beata morte clausit, a. 1682, d. 24 aprilis,
non sine gravissimo suorum acerbissiinoque luctu,
sepultusque est honorifice, in templo Romfertunensi,
d. 7 maji anno eodem.
Prosopopoeia.
Arbor odoriferis paradisi vernat in arvis,
Cui pars terrarum non habet ulla parem.
Aeternum viridis pandit laetissima ramos.
Nec violat pulchras horrida bruma comas.
Illa salutares rupto d(· caudice succos
Fundit et in fructus sic quoque tota patet.
Arbor ades, medicina meis certissima morbis;
0, mala quae terris omnibus una levas.
Quae maestos humilesque tua recreare sub umbra,
Vulnere quae proprio corda juvare soles.
Te moriens te, Christe, voco: te vindice solo
Morte vel in media stat mihi firma salus.
Inque cruore tuo melior mihi vita redibit:
Illud erit validae nunc medicamen opis
Ah viduam solare meam, natosque tenellos:
Teque suos moveat planctibus orba domus.
Confugium praebe miseris, umbramque fidelem,
Migrer ut in tutos spiritus iste sinus.
Veteris amicitiæ memor hoc qualecumqne
scripsit ex tempore
Johannes Columbus,
• poes. prof. Upsal.
<< prev. page << föreg. sida << >> nästa sida >> next page >>
