Full resolution (JPEG) - On this page / på denna sida - Anders Nicander
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ôfver riksdagens flyttning från Norrköping til Stockholm.
1769.
Mutata est sedes synodi. Norcopia luget.
Amissum merito lugeat illa lucrum.
Holmia, vicisti: tandem bona caussa triumphat;
Jure igitur repetis, quod fuit ante tuum.
Hospitia ordinibus regni nimis arcta fuere
Norcopiæ: heic regi regia nulla fuit.
Jure ergo angusta hæc, auguste relinquis Adolphe.
Et spatiosa iterum regia tecta petis.
Holmia te recipit, patriæ pater optime, magnis
Læta triumphantem plausibus atque tonis.
Ordinibus regni gratabitur Holmia, grato
Suscipiens illos officiosa sinu.
Ite avibus faustis: mora nulla retardet euntes,
Sit faustum et felix, quod peragetis, iter!
Te salvere jubet, regni renovate senatus,
Patria: teque diu flore virere vovete
Protege justitiam, regem reverere, decenter
Consule; consiliis rex regat ipse tuis.
Rex regat, et justa cum majestate vigescat;
Majestate viget, justitiaque cluet.
Tranquillam ducat posthac sine murmure vitam;
Nestoris et numeret, sed sine nube, dies,
Mutatam regni synodum voveo omine faustam;
Axeliue dux est, sed regat ipse Deus,
Salvete, o patrii fortissima robora regni,
Nobilis et mystes, cives et agricola!
Ferrea nos longo presserunt tempore secla;
O, redeant nobis aurea secla precor,
Illustret patriam mitis post nubila Phœbue,
Occuluit radios, heu, nimis ille diu.
“Surgite jam splendore novo nova secula regno,
Currite sic fusi, currite44! Parca jubet.
Jamque Astrea redux vastantem expellet Erinnyn,
Conjungetque animos, quos nigra solvit Eris.
Libertas patrio incedit velamine tecta,
Et micat in niveis exhilarata togis.
At palla sordet scissa vacuaque crumena
Luxuries, patrias quæ male fudit opes.
<< prev. page << föreg. sida << >> nästa sida >> next page >>
