Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Plura tamen mendax affricat illa mihi.
Anxius offenso mox verba precantia misi,
Reddidit ut mentem noctis amica quies.
Quae quamquam veniae spes haud incerta dabatur,
Creditam eam ventis conqueror esse vagis.
Quod si spernar ego tenuis, tua cura, Camenae
Pro me en suscipiunt supplice voce preces.
Hos humifes quoniam non durus aspicis umquam,
Jam quoque da votis pondus inesse piis.
Siccine nunc exspes, o mens mea, deficis? Eheu!
Siccine jam cessas, o mea Musa, loqui?
Ullane spes superest? 0 clementissime, tandem
Heu, miseratus ades tristia fata mea!
Huic tua si culpae clemens jam gratia parcat,
Afflet et hinc velis mollior aura meis.
Antea Vulcano flagrabunt aequora vasta,
Et conversa retro flumina cuncta fluent,
Lanigerae pecudes ursosque luposque fugabunt,
Anseribus vulpes junget amica fides,
Quam mea laeta tibi grates cessabit avena,
Magne vir, et laudes usque sonare tuas.
Illustrissimo et Excellentissimo noufiai Ino
subjectissimus
SAMUEL COLUMBUS.
<< prev. page << föreg. sida << >> nästa sida >> next page >>
