Full resolution (JPEG) - On this page / på denna sida - Gunno Eurelii vitterhetsarbeten.
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Ogygiæ Proceres et splendida culmina terrær
Vosque, quibus virtus dat nobilitatis honores,
Consiliis armisque viri, duo robora Regni:
Sancta cohors Patrum, qui puri dogmata cæli
Traditis, huraanumque genus transfertis ad astra:
Nisibus et quicunque meis nunc candida, Cives,
Pectora præbetis, vatique advertitis aures,
Este, precor, faciles, oculisque animoque favete.
Neve mei culpas in me male conferat ullus
Audacis: fateor, nimium mea Musa petebat,
Quæ non apta fuit nec magnis edita rebus;
Cui vires natura graves inimica negavit:
Quam sors exigui præscripsit limitis orbe,
Quo sua simplicitas nunquam sibi causa pudoris
Esset: et ingenue me sic peccasse putarem,
Ipse meo levibus fuerim si versibus ausus
Splendida ludere consilio Tritonidos altæ
Tecta, pedes bumiles rauca modulatas avena.
Quin toties timide dextra totiesque reliqui
Et calamum, Musamque rudem, planctusque sororum;
Materies superabat enim mea carmina grandis:
Scilicet Herois divini dicere laudes
Non opus est nostrum juvenis, pinguisve Minervæ;
Digna sed ingenti stat laus hæc usque cothurno;
Qualiter Augustas cantabas amplus ad arces
Stans, Maro, vel Danaum, Sophocles, honor optime vatum,
Sic ego, dum vario jactatus turbine mentis,
Subduxi victasque manus, cerebrumque labori,
Mollis ab ingenio, cui non sua sufficit ætas:
♦
Ecce venit Pietas passu miserabilis ægro,
Dilaniata genas, diffusaque vestibus atris,
Et neglecta comas, squallent vultusque sinusque,
Cæruleæque per ora fluunt velut agmine guttæ,
Atque, ut amore fuit casto comitata, mihique
Injiciens fessos curis planctuque lacertos,
Sic ait: O rerum, vates, diffise tuarum,
Surge age, tu flendo casus quoque mulce recentes:
Quique tua in vivis excepit carmina miti
Pectore; qui, medius tot et inter munia regni
Ardua, ludenti gratam bene præbuit aurem;
<< prev. page << föreg. sida << >> nästa sida >> next page >>
