Full resolution (JPEG) - On this page / på denna sida - Gunno Eurelii vitterhetsarbeten.
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Saxaque dura Domus, tua quæ facundia linguæ
Mover at o! toties: ævi miracula nostri!
Felix visa diu, Comitis Matrona sepulti,
Solve comas tanto nunc o! viduata marito!
Tu tamen extrema moriturum nocte fovebas,
(Solamen miseræ) cum morte natantia cruda
Lumina vidisti lacrymis defleta suorum.
Navita non aliter verbis manibusque supinis,
Dum fera, navigium duris mergentibus austris,
Æquora consurgunt, montesque ad litora volvunt,
Syrtibus illisa, quam Dis votisque reliquit,
Pinu, diffisam jam non orare salutera,
Sed clamare viros o! terque quaterque beatos,
Funera quos maneant, solet. Aut ut saucia silvas
Cruribus aufertur lethali cerva sagitta,
Quaque fugit, secum deportat flebile damnum;
Sanguineo lateri calamus nam mortis inbæret.
Iphias utque sui cineri se miscuit usto,
Injiciens animosa rogo sua membra, mariti:
Talis erat mæstæ facies. Postquam ultima fixit
Oscula, singultu medias turban te querelas,
His tandem summa morientem vocibus hora
Alloquitur tristi lugens adstrata cubili:
Siccine me fugis, o! animæ pars altera nostræ!
Qui mea, qui toties, (blandum meminisse priorum)
Pectora pectoribus junxisti juncta decoris:
Quo ruis? indigno cur ponis corpora leeto?
Corpora, quæ crebris nunquam defessa laborum
Ante fuere, sibi nunquam commissa, catervis.
Quo ruis? Aurata te Rex exspectat in arce:
En tua vota rogat Getulo murice tectus,
Gonsiliisque potens, Regalis dextra Senatus.
Surge, precor, thal am os nec desere durus amatos!
Si mea nulla valent: deberent nostra valere
Vota; precor, tristes tua respice pignora natos;
Et miserere tuis, matris si est gratia vilis;
Si non natorum miseret, miserere maritæ.
Nequicquam sed et hæc et multo plura profata,
Gandida cum gemitu percussit pectora palmis.
<< prev. page << föreg. sida << >> nästa sida >> next page >>
