Full resolution (JPEG) - On this page / på denna sida - Ilias
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
I Ufa budde det eingong ein mann som heitte
Ilias. Far hans var ingen rik mann, so det var
ikkje stort att etter han daa han døydde. Sju
hestar, tvo kyr og eit par dusin lamb, det var alt.
Men Ilias var ein traust arbeidskar og visste
aa halda hus med det han aatte. Han og kona
hans arbeidde fraa tidleg um morgonen til seint
paa kvelden stod tidlegare upp en andre folk og
la seg seinare.
Han vart og rikare for kvart aar som gjekk.
Og daa han hadde arbeidt og stræva trottugt paa
denne maaten i fem og tredive aar hadde han
vorte ein halden mann.
Ilias aatte daa tvo hundrad hestar, halvtanna
hundrad kyr og tolvhundrad sauer. Han hadde
nøgdi av alt slag og vart ovunda alt landet over.
Ilias hadde i desse aari vorte kjend med mange
storfolk. Langveges ifraa kom det folk og vitja
han, og alle tok han imot og skjenkte paa det
grumaste. Naar han fekk framandfolk i hus slagta
han altid eit lamb elder tvo, og var det rett
mange gjester laut nok storfeet og til.
Ilias hadde tvo søner og ei dotter. Daa Ilias
var fatig hadde sønerne arbeidt heime hjaa han
og hjelpt han og gjætt sauerne. Men no daa han
hadde vorte rik vart dei kaute og store paa det,
<< prev. page << föreg. sida << >> nästa sida >> next page >>
