Full resolution (JPEG)
- On this page / på denna sida
- I. Folkhøgskulen
- Høgskulemøte. Kursus
- Attersyn
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
5. 1900. Seljord (N) H. Odhner:
»Folkehøiskolen i Sverige«. J. Klockars: »Den
finske folkehøiskole«. L. Eskeland:
»Samnordisk og serfolkelegt«. A. Poulsen:
»Samarbeide mellem nordens folk«. Begtrup:
»Høiskolen og fagene«, J. Appel:
»Naturvidenskab og folkeoplysning«. F. Linderberg:
»Folkehøiskolen og arbeidernes kulturbevægelse«.
V. Ullmann: »De historiske forutsætninger
for den norske folkehøiskole«. J. Nørregaard:
»Høiskolekredse«.
6. 1902. Borghamn (S). T. Holmberg:
»Oplysning og opdragelse«. R. Stauri:
»Ungdomsbevægelsen i Norge«. L. Holmstrøm:
Om »Omberg«. J. Nørregaard:
»Folkehøiskolen og folkebevægelser«. J. Klockars:
»Patriotisme — kosmopolitisme.«
7. 1907. Borgå (F.) Hj. Mikander:
»Om folkehøiskolen«. J. Nørregaard:
»Historieundervisningen«. C. Bâgø: »Niels
Stensen«. K. Oljemark: »Landbrugsskolen og
folkehøjskolen«.
8. 1912. Roskilde (D.) H. Odhner:
»Folkedannelse«. L. Eskeland: Norge. Hj.
Mikander: Finland. J. Appel og Th. Bredsdorff:
»Folkehøiskolens maal«. H. Odhner:
»Samfundslære paa f. h.« H. Begtrup: »Om
engelsk aandsliv«. R. Stauri og S. Øvretveit:
»Den norske folkehøiskoles utvikling«. Hj.
Mikander: »Selvarbeide i f.h.« A. Poulsen: »Den
fri skoles stilling«.
Kursus. Staten har gjeve pengar til 3
kursus ialt for lærarar i ungdomsskulen: eit
paa Seljords folkehøgskule 1901, paa
Gudbrandsdalens 1911 og paa Voss 1913. Det
siste vart halde saman med det danske
universitetskursus. Halvparten av foredragshaldarane
var danskar. Ved dei 2 andre har og ein av
lærarane vore dansk, i Seljord professor Poul
la Cour, i Gudbrandsdalen høgskulestyrar
Holger Begtrup.
Attersyn.
Den norske høgskulesoga i desse 50
aari kann ein dela i 3 tidebolkar.
Den fyrste 1864—77. I denne tid vart
dei fyrste skulane grunnlagt,
folkehøgskuletanken vann fram i landslut etter landslut.
Desse fyrste 13 aar var ei sterk og stor
kamptid. Dei ytre vilkaari var meir like paa baae
sidor, det heile var meir ideelt enn i den andre
bolken, daa striden paa ein maate førde over i
pengespursmaal og ein soleis kom til aa bruka
uaandelege vaapen i ein kamp um aandelege
ting. Dei fremste av diktarane vaare var med
i denne strid, som vart førd i blad og
tidsskrift, paa store og smaa folkemøte og som
tilslutt enda i stortinget.
Den andre 1877—98 er ei nedgangstid
for skulane. Etter stortingsvedtaket i 77 vart
det i amtstingi og ikkje i Stortinget striden
vart førd; aalmenne politiske spursmaal og
svært ofte bygdepolitiske, kom med og vart
avgjerande for utfallet. Den eine skulen etter
den andre vart nedlagd og fleire av dei mest
gaaverike skulemenn vaart land har havt, vart
drivne burt fraa det arbeid som var deira
livsyrke og livsuppgaave. Det var landsfolket,
bønderne, som fyrst og fremst kom til aa lida
ved dette.
Ein kann ikkje gjeva eit utsyn over denne
del av vaar skulesoga utan aa minnast dei
saare ord Herman Anker kom med daa han
vart negta tilskot til skulen sin til takk for 13
aars arbeid: »Høiskolesagen er ikke dermed
død, det er fremtiden, det kommer an paa;
der skal altid meget til, for at en folkehøiskole
kan gaa, som har baade intelligensens
fordomme og bøndernes sløvhed at kjæmpe mod, —
bare ikke de mænd som har gjort mest for den,
alle blir trætte og gaar sin vei. — Med mig
er ikke meget tabt; men lad folk som Arvesen,
Chr. Bruun, Janson, Frits Hansen, Ullmann,
Foosnæs, Bentsen o. fl. som har gjort saa
meget for folkehøiskolen, ogsaa gaa trætte, saa
faar man se, hvad bonden har tabt«. — Det
gjekk soleis at alle desse og mange fleire som
stod midt uppe i arbeidet, maatte slutta
medan dei stod i si heile, fulle arbeidskraft,
mange i sine beste ungdomsaar. Dei begynde
ikkje med aa krevja men med aa gjeva, gjeva
av si tid, arbeidskraft, kunnskap, hjartelag og
— dei som hadde — pengar òg — til det
arbeid og den sak som aatte heile deira hug og
kjærleik. Det vilde ikkje staa bra til med eit
folk um der ikkje var slike. Det er eit slikt
friviljugt arbeid som høyrer til dei berande
krefter i eit folk, er saltet i samfundet.
<< prev. page << föreg. sida << >> nästa sida >> next page >>
Project Runeberg, Fri Oct 18 18:12:14 2024
(aronsson)
(diff)
(history)
(download)
<< Previous
Next >>
https://runeberg.org/ungdomskul/0024.html
