Full resolution (JPEG)
- On this page / på denna sida
- Sider ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
namnet paa det kyrkjelege hovudsæte i Trøndelag, til
minne um den Olav, som grunna den norske kyrkja.»[1]
Til Olavs-dagen 1950 fyrebur dei ei umfram
minnehøgtid. Det vilde vera høvelegt um sjølve byen innan den
tid hadde fenge eit norsk namn, det namnet som samlar
mest av dei nasjonale minni i seg.[2]
Noreg.
Me skal til slutt nemna litt um riksnamnet.[3] Naar
bygder og byar fær norske namn, og namneverket elles
vert uppnorska, vil det vera rimelegt at òg namnet paa
sjølve riket fær ei form som utan noko tvil er fullnorsk.
Det naturlege vil daa vera aa skriva riksnamnet Noreg.
Paa gamalnorsk heitte riket Noregr, som truleg kjem
av eldre Norð(r)vegr, det er «Nordvegen».[4] Noregr er
den vanlege formi i brev og offentlege dokument ned til
1400, og er i det heile mest brukt eit godt stykke ut i det
15. hundradaaret òg. Det er brukt i dei store
litteraturverki fraa midalderen. Alt nokso tidleg paa 1300-talet
(ikring 1330) syner formi Norig- seg; det er ei yngre
sideform til Noreg-. Ei tridje form Norge syner seg
[1] Stort.-tid. 1918. O., s. 1294 a.
[2] Det kann leggjast til at
Trondheims-namnet — rett skrive! — treng ikkje koma burt for di um byen
vert heitande Nidaros. Trondheims-fjorden bør framleides
heita slik. Han fekk namnet sitt etter bygdelaget Þróndheimr fyrr
det var nokon by til ved Nidelvi.
[3] Forutan dei skriftene som er fullt
nemnde seinare kann ein nemna: M. Hægstad, Nokre ord um namnet paa
landet vaart (Norvegia II, s. 1—7). D. A. Seip, Norge (1923); Norge,
svar til dosent Indrebø (1925); «Den 17. Mai» 23. febr. og 25. febr.
1925. Gustav Indrebø, Noreg, ein polemikk (1925); «Den 17. Mai» 9.
febr., 10. febr., 12. febr., 13. febr. 1925.
[4] Etter andre kjem Noregr av
eldre Nórvegr, d. e. «Sundvegen». Denne etymologien finst visst
nemnd fyrste gongen hjaa E. J. Jessen 1763 i «Det kongerige Norge
fremstillet efter dets naturlige og borgerlige tilstand» I, s. 157. Jessen
diskuterar mange andre tydingsframlegg òg. Seinare hev Nils H.
Trønnes teke etymologien upp, i Langes «Tidsskrift for Videnskab og
Litteratur» I s. 65 (1847), og A. Noreen i «Svenska Etymologier» s. 22 (1897).
<< prev. page << föreg. sida << >> nästa sida >> next page >>
Project Runeberg, Sun Dec 10 18:06:05 2023
(aronsson)
(diff)
(history)
(download)
<< Previous
Next >>
https://runeberg.org/namneverk/0183.html
