Full resolution (TIFF) - On this page / på denna sida - Bandamanna saga
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
„þar er Óspakr er“. Váli segir: „Ferst nú
vinátta ykkur nökkut þaðan er þú settir hann
fyrir fé þitt“. Oddr segir: „Þat hefir verit
glæræði, enn þó hefir nú betr gefizt“. Váli
segir: „Margra manna mál var þat, at þat þótti
kynlegt. Enn þá leið er nú“, segir Váli, „at
vér vildum, at þú snerir eigi svá skjótt málinu
til áfalls honum; er þat helzt við orði manna,
at gylfrum gangi vináttan. Nú skulu vit kaupa
saman“ segir Váli, „at þú skalt mik ráða
láta, enda skal ek víss verða, hvárt hann hefir
stolit sauðum eða eigi“. Oddr segir: „Hversu
máttu þat vita?“ Váli segir: „Ek á at heimta
varning víða, ok mun ek fara um heraðit ok
sækja heim Óspak“, segir hann. Oddr segir:
„Far þú sem þér líkar, ok er þetta ekki svá
margra at gera, enn meiri ván, at eigi verði
góð ráðin“. Nú kaupa þeir þessu saman. Býst
Váli nú til ferðar út um heruð, Vatnsdal ok
Langadal, ok þykkir öllum mikit veitt í hans
kvámu. Hann kemr á einu kveldi til Óspaks
ok tekr hann vel við honum. Óspakr er
allkátr. Váli ferr þaðan um daginn. Óspakr
leiðir hann ór garði, ok spyrr at Oddi ok hans
ráði. Váli kvað gott hans ráð. Óspakr lét
vel yfir Oddi, ok kvað hann mikinn rausnarmann
vera — „eða hversu er þat, er hann fyrir
sköðum orðinn í vetr?“ Váli kvað svá vera.
„Hverjar getur eru þar á?“ segir Óspakr, „Oddr
<< prev. page << föreg. sida << >> nästa sida >> next page >>
