- Project Runeberg -  Bandamanna saga /
22

(1901) Author: Valdimar Ásmundsson
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (TIFF) - On this page / på denna sida - Bandamanna saga

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

ok fara menn heim af þingi, ok hefir Oddr af
virðing málunum ok líða misserin.

9. Nú ríðr Oddr oft til laugar ok hittir föður
sinn, ok batnar frændsemin með þeim. Ok um
várit eitt sinn, er þeir feðgar fundust, mælti
Ófeigr: „Hvat hefir þú tíðenda spurt, Oddr?“
Hann svarar: „Ekki hefi ek frétt“. „Spurt
hefi ek“, segir Ófeigr, „at þeir Styrmir ok
Þórarinn safna liði, ok ætla hingat stefnuför á
hendr þér um þat, er fé þitt fór í dóm fyrra
sumar“. Oddr segir: „Ekki þykkir mér ofrefli
at ganga í mót þeim báðum“. Ófeigr svarar:
„Meira mun þér á þykkja liggja; margir
eru í málinu vafðir með þeim“ — ok nefndi
mennina. Oddr þagnaði. Ófeigr spurði: „Hvert
er nú ráðit til?“ Oddr segir: „Fara til þings
ok krefja höfðingja liðs ok gefa þeim fé til“.
Ófeigr svarar: „Ekki sýnist mér þat ráð; mun
þar engi til verða, at veita þér í mót þessum
höfðingjum, ok engi hefir ok föng til; sýnist
mér ráð til annat, at þú búir skip þitt; þat er
þér vel hent; búst um þingit ok halt í burt;
leita til annarra landa, enn þat máttu, at láta
koma í hendr mér fé nökkut, ef þér þykkir
þat eigi verr komit enn hitt er þeir taka“.
Oddr segir: „Ék ætla at þú munt við taka
nökkuru fé; nú ætla ek þat skára, at þú hafir“.
Þeir skilja nú. Fara þeir stefnuför Styrmir
ok Þórarinn, ok verðr þar engi saga um. Fóru

<< prev. page << föreg. sida <<     >> nästa sida >> next page >>


Project Runeberg, Mon May 25 23:04:50 2020 (www-data) (download) << Previous Next >>
http://runeberg.org/asmbmsaga/0028.html

Valid HTML 4.0! All our files are DRM-free