Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
75
derff nicht lange so gebruket werden schal. Wolde Got
sine gnade geffuen vnde dat wy welke vrunde hadden
de dar to helpen wolden, dat wy Schane Halland vnde
Gotland wedder kregen alze de lande vnser cronen
vor Gode van rechte to behoren, so scholde man dat
vor ware vinden dat de gemene köpman sedder wol
velig varen scolden durch den Örasund vnde to
ewigen tiden aller erer rectighet geneten de se yw in
Schane gehat hebben, oc hört Norwegen vns vor gode
rechte vnde redelighen to, wente wy sin dar recht to
eneme koninge gekoren vnde gewiget crismet vnde
ge-cröniget, vnde de gemenicheit dar hebben noch nenen
heren to koning leuer wän vns. Wolden de Hense
vns helpen dat vnse dar to vrien so wolde wy wedder
helpen dat de gemene köpman der Hense wol velich
varen scholde sine neringe to sokende so verne
Norwegen rekede, vnde oc dat gy alle iuwen priuelegen
in Norwegen in ewigen tiden hiir na wol geneten
scholden. Her vmme ersamen leuen vrunde begere
wy van iw ene wisse vngetogert antwart vp disse
be-rorden saken dar wy fulkomliken mogen weten vns na
to richten. Vns is vt welken landen to boden dat
wolde wy en welke priuelegen in Norwegen gyuen, se
wolden vns dar gerne behulpic wesen &c alze iw
bringer desses breffues vnse leue getruwe Canzeler mester
Nicolaus doctor in den geistliken vnde werlzliken
rechten vorder wol vnderwisen kan, den gy fulkomliken
louen mogen wes he iw van vnser wegen berichtende
wert. Item alze gy roren vm juwe volk wt to senden
iuwen köpman to bescherme[n]de &c de mogen
vrili-ken alle vnse haffuene soken, wor se to den vnsen
komen dar schal en anders nicht sunder gut wedderua-
<< prev. page << föreg. sida << >> nästa sida >> next page >>
