Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
40
EIN FRITENKJAR
Ho skalv. „Arme tryllte Barn," sukka Presten, „eg
er rædd du lyt vita alt. Tak det ikkje for tungt . . .
eg ser til mi store Sorg, at din Hug ikkje er so fri
her som han burde vera . . . men her er ikkje Raad;
for Hauk er —" Presten kviskra, liksom fælin for aa
nemne Orde: „Fritenkjar!" — —
Ragna kvakk; stirde storøygd og rædd paa Får sin;
seig so ihop som under ei svær Tyngsle. Mori heldt
henne tett inn til seg og grét heite Taarir nedyvi
hennar rike, brune Haar.
XI.
Ragna tok det svært tungt. Ho hadde just fengi
Kvild i den Tanken at Hauk likevel elska henne; og
so skulde dette koma som var det verste av alt. Aa
vera Fritenkjar, det var, etter alt som ho hadde høyrt
og lært, det same som aa ha selt seg til den Vonde.
Det var aa vera raadlaust fortapt. Ein „Fritenkjar"
var noko av same Slage som Tryntyrken i
Bygde-segnine: eit Ufygle som ein kunde tiltru all upptenkjeleg
Djevelskap. Ho vilde heller ha høyrt at Hauk hadde
skrivi falske Vekslar eller gjort Innbrot i Norigs Bank.
Ofte naar ho sov drøymde ho, at han sat og spela Kort
med den Vonde, som flirde fælskeleg og stal av Hauks
Kort, so denne alltid maatte tapa; og stundom totte ho
at han dansa stygge Dansar med Trollkjeringane paa
Bloksberg og drakk Dus med Mefistofeles av logande
Staup. Ho kunde vakne upp or Svevnen med høge
Skrik og vera so rædd, at ho laag og skalv. Og um
Dagen gjekk ho nedtyngd av Sorg og saare Tankar so
ho stundom var reint som burte.
Ein Dag tok ho Mod til seg og spurde Hans, um
det var sant at Hauk var Fritenkjar. „Dessverre, det
er visst altfor sant," sagde Hans; „i alle Fald bør korkje
du eller eg hava meir med den Mannen aa gjera."
<< prev. page << föreg. sida << >> nästa sida >> next page >>
