Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
104
EIN FRITENKJAR
gjorde ille; for alle segjer at han er ein makalaus
Mann og ein utvald Guds Reidskap."
No seig Soli. Den gamle Mannen stod upp. „Takk,"
sagde han med ristande Mæle; — „og no kann du
helse den unge Presten fraa Far hans. Godnatt!"
Klokkaren stod som fjetra. Gamle Eystein Hauk for
or Bygdi same Kvelden.
XXVII.
„Det er det eg hev vunni," tenkte Hauk, „med aa
vera tru mot min Tanke.
„Heile Live spillt; mi Livsglede og mitt Livsarbeid
øydelagt; eg sjølv med, og fleire med meg; og Son min
— heilt bundin av den Magti eg vigde meg til Strid imot.
„Eg var for stiv i Prinsipe; eg var doktrinær. Eg
skulde fari varare og sløgare; eg skulde vori ’praktisk’.
Guten kunde fengi Daap. Alt kunde vori greidt og
godt; og eg hadde havt baade Livslykka mi og fritt
Tilhøve til aa arbeide for mine Tankar. — —
„Lygn? Aa ja. All Klokskap er Lygn. Alle Folk
lyg. Her er ikkje Raad med det. Samfunde ligg i
Raaskap; Samfunde fær taka Skuldi.
„Her i Lande er Tanken fri, fri som Fuglen; men
ein maa alltid passe paa at ein kjem just til dei
Endemaal som paa Fyrihand er uppsette som dei einaste
rette og sanne. ’Du skal ha din frie Vilje, Dotter mi;
men Fanden hakke meg skal du ’kje bli Madam
Østmo!’ — Tanken er fri, ja; men dersom ein kjem
til andre Endemaal enn dei som er uppsette, so er
ein utlæg; — og utlæg Mann bergar seg som han kann."
Det var ein annan Tanke og, som stundom vilde
upp. „Enn um eg fraa fyrst til sist hadde vori
ærleg?" Men Gamlen forstod ikkje denne Tanken.
Naar den kom riste han paa Hovude og mulla med
seg sjølv: „det er berre store Samfund som skaper
heile Mennar." — —
<< prev. page << föreg. sida << >> nästa sida >> next page >>
