Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
AV LAAK ÆTT 119
store blanke Augo hans drog henne; ho kom liksom
meir og meir under hans Magt. Sistpaa vart det so,
at det var best aa faa Bryllaup. Daa kaupte Asbjørn
Hegglidgarden øvst i Dalen; der fekk han bu for seg
sjølv. So heldt han Bryllaup og flutte der upp med
Sigrid. Ei Tid etter aatte ho Barn; døydde so.
Leiv vart den vesle heitande. Gamle Folk spaadde
ymist um denne Guten; han var av laak Ætt.
Leiv var godt og vel slöppin fram for Presten.
Aaleine gjekk han som han hadde gjort. Far hans
var snild med’n, men faamælt og lite glad; og ned i
Bygdi var der inkje Lag for Leiv aa finne.
Ein Kjenning hadde han likevel fengi i seinare Tid;
og det var Lars, Tenestguten. Dette var ein
Hus-mansson or Grannebygdi, ein godsleg og lettlynd Kar
som han kom godt til Lags med. Han hadde ein
Gong komi til aa fortelja Lars um alle dei kaute
Bygde-ungane han hadde havt med aa gjera, baade i Skulen
og millom Lesarungdomen. Dei vilde aldri hava noko
Lag med’n, sa han, og det um han var baade sterk
og glup; han var Utbygding, maa-tru. Eller Son hans
Svarte-Asbjørn. Ja han hadde høyrt noko ein Gong
som han ikkje rett skyna: at det skulde vera noko i
Vegen med Ætti hans; kva tru dei kunde meine med
det? Lars hadde høyrt paa dette, og teki det vel upp.
Dette um Ætti hadde han jamvel flirt aat. „Av laak
Ætt," sa Lars, „det er ein naar ein er av armt Folk,
eller av framandt Folk som ikkje høyrer til Storkarane.
Men naar du veks til, so skal du gjera det same som
eg tenkjer paa; du skal fara til Amerika. Der tenar
du deg rik; og naar du daa kjem att, so kunde du
for den Skuld gjerne fara paa Friing etter Alvhild fraa
Dale!" — Sidan hadde Leiv trutt paa han Lars.
Og Lars hadde etterkvart lært Leiv baade eitt og
anna. Han song Visur og fortalte Sogur, og lærde
<< prev. page << föreg. sida << >> nästa sida >> next page >>
