- Project Runeberg -  Georgi Stiernhielmi Hercules /
53

(1658) Author: Georg Stiernhielm
Table of Contents / Innehåll | << Previous | Next >>
  Project Runeberg | Like | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)


Rostro beatulorum.
Si quid, licet decorè,
Locoque, temporique
Dicit, facitvè pauper;
Si non apertè, at intùs
Ridetur; usquequaque
Contemnitur; simulque
Cane, & angve pejus atro,
Vitatur, ut nefandus.
Nec visitant amici,
Ne visitentur ipsi;
Ne quid roget, timentes.
Miserantur interim, ast non
Miserentur, efficaci
Operâ, aut ope adjuvantes.

Caput est rei, atque summa:
Fortuna, Res, Moneta,
(Nomen triplex, sed unum
In orbe, grande Numen,
)
Quem deserunt, favores
Hunc deserunt; amores
Hunc deserunt; honores
Hunc deserunt; & omnes
Hunc deserunt amici.

Econtrà, cui eædem,
Fortuna, Res, Moneta
Cui affluunt, & adsunt;
Ei affluunt, & adsunt
Faventium catervæ;
Sequentium manipli;
Reverentium cohortes;
Amantiumque turmæ;
Chorusque Gratiarum,
Venerumque blandularum,
Et Elegantiarum,
Exercitus venustus.

Quid ergò macra Virtus?
Re destituta Virtus?
Et Honesti inane nomen?
Quid Mente plena
Pallas?
Sed auri egena Pallas?
Re cassa Res, vaga aura,
Vacuæ medulla mentis,
Phantasma, somniumque,
Idolum, & umbra, risus,
Ludibriumque vulgi.

Moneta vera virtus,
Vis, robur, & potestas;
Est portus, ara, turris,
in queis locata regant
Tranquillitas, quiesque
Animi, atque vera vitæ
Beatitas, Salusque:
Hic gaudium, voluptas,
Et pulchritudo, forma,
Et gloria, inclytumque
Nomen, decusque, splendor
Et claritas, genusque,
Sapientiæque fama,
Et Eruditionis.

<< prev. page << föreg. sida <<     >> nästa sida >> next page >>


Project Runeberg, Mon May 18 17:50:19 2020 (www-data) (download) << Previous Next >>
http://runeberg.org/gshercules/0059.html

Valid HTML 4.0! All our files are DRM-free