Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Sapientissimo viro Botanicorum Principi Carolo Linnaeo, Equiti aurato
de stella polari etc.
S. pl. D.
Carolus Allionius.
Proxime elapsa hebdomada accepi charissimas et benignitate
plenissimas literas tuas, pro quibus me plurimum tibi debere sentio.
Intel-ligo ex iis acceptum tibi extitisse missum munusculum; atque id
inpri-mis mirifice me recreat. Video te velle in tuis operibus meorum
laborum mentionem facere, measque stirpes commemorare, pro qua tua
humanitate quantas possum rependo grates. Non possum etiam non
magni beneficii loco habere humanitatem quå dignatus es quod ad missa
herbarum specimina, errores meos et certiora synonima indicare; idque
beneficii genus ut mihi in posterum etiam conferre velis, supplex exoro.
Summa cum voluptate vidi et observavi missam humanissime
Bux-baumiam. Nullus dubito, quin et in aliis musci speciebus vera et alia
generationis organa sit tua perspicacitas detectura.
Mitto chartulae affixas Lychnidem meam p. 29.x; campanulam p. 35.;
alsinem pag. 49 quae stylos tres habet; cortusae malthioli capsulam, quae,
uti in sibirica a Gmelino lecta, apice quinquevalvis est; lychnidem
quam suspicor esse Lychnidem pumilam saxatilem alpinam flore carneo,
folio crasso molli tomentoso Burseri. chartula altera inclusa reperies ea
ammonis cornua, et orthocerates, quae mihi licuit separare a sedimento
Ariminensi, quod prae manibus mihi erat. Hujus sedimenti cum aliis
rebus marinis insignem copiam a J. Planco brevi expecto, et omnem meam
adhibebo diligentiam ut minima omnia haec corpuscula tibi separem. His
omnibus addo tres orthoceratitas nostros a me in agro di Arrignano nuperrime
detectos. Ibi nova etiam Jani planci Ammonis cornua, et Madreporas
minimas curiosissimas observavi. Florum omnium aliorumque nostrorum
fossilium seriem ad te mittam, si quae tibi grata esse possunt, intellexero-
Lychnis foliis acute cordatis non est dioica. Stylos habet tres
filiformes; stamina decem cum apicibus cinereis didymis, calycem
deceman-gularem angulis alterne minoribus quinquedentatum. Petala squamam
habent subrotundam profunde bifidam. Nascitur in praecipiti scopulo
prope thermas Valderianas.
<< prev. page << föreg. sida << >> nästa sida >> next page >>
