Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
retardatas. Novi Te doctissimum esse Botanicum a longo retro
tempore, sed confirmatus magis ex propriis Tuis literis, dum
oxo-niis degi, a Cei. Dillenio1 communicatis; vidi enim ex istis Te inter
rariores istos Botanicos facile primum esse, qui genera quaeris
naturalia. Dolui itaque eo magis, dum ex epistola Tua ad me, ut
et ad D. Gronovium data, colligerem quantum lasciva mea, quam
dicis, castos Tuos feriret oculos; speraveram castis omnia casta;
quod mea methodus parum et minus reliquis huc usque
excogitatis valeat, non nego; secula judicabunt! per bonam & malam
famam! desumsi methodum a staminibus et pistillis, cum tam
paucos videram Botanicos ad has attendisse partes, sperabamque me
rem gratam facturum, si has describerem partes, desumsi
methodum a staminibus et pistillis, quae lasciva dicuntur, dum alii e
petalis et capsula id est Nymphis & ovariis desumant; quam [!]
crederem non multo nitidiores esse partes. Desumunt Botanici
methodum a fructu seu ovario in plantis, an itaque velles ex ovario
in Brutis; nostrum est inquirere notas differentes & diagnosticas,
non imponere creatis. Methodum meam numquam naturalem dixi,
dabo si vixero proxime omnia systemata contracta, et fragmenta
methodi naturalis; inde concludamus quae methodus maxime
naturalis sit; et an Methodus dicenda quae genera contra sensum
characteris classici assumat. Sed transeat haec, mea non
defendam, judicabit dies.
Ammannise characterem dedi2, plantam florentem praeterita
aestate habui; stamina & petala attente vidi; petala in nullo flore
erant; dissecui enim calices plus quam viginti antequam
explicabantur, cum frustra in explicatis floribus ea quaesivissem, et
observavi ea omnino nulla esse. Houstonus2 fuit accuratus, habuit et
suos defectus, ut ex manuscripto ejus facile perceperam . accedit
proxime ad Ocymophyllum Buxb: genere, quod genus dudum
constitutum fuit a Petito8, sub nomine Dantim, quodque ego recensui
sub nomine, ab eodem Viro desumto Isnardice; proxime dico
accedit ad hoc Ammannia; ejusdem generis tamen non dixerim. Mitto
mea genera, pervolvas ea si placeat ut Amicus, excuses errores
apud juvenem, qui meliora addiscere cupiat, alia vice si vixero
emendatiora prodibunt, ego peregrinans hic ut debueram expolire
me non potui. Nomina nova ne te moveant quseso, reddam
rationem facti in Critica mea4, quae jam jam absoluta est. Mitto
Floram Lapponicam, sed in ea nil tibi gratum fore praevideo, non
enim tempus fuit eam expoliendi; synonyma svecorum assumsi
svasu D. Dillenii.
<< prev. page << föreg. sida << >> nästa sida >> next page >>
